Скачать или смотреть అలుపెరుగని మిద్దెతోట రైతు - ఈశ్వరమ్మ |తుమ్మేటి రఘోత్తమరెడ్డి రైతునేస్తం మిద్దెతోట పురస్కారాలు - 2024

#raitunestham #terracegraden #awards2024 #rythunesthamawards2024 #terracegardenawards2024

ఈశ్వరమ్మగారి ప్రస్తుత వయస్సు 76 సంవత్సరాలు. వీరు అప్పట్లో ఎం.ఎస్సీ. వరకు చదివి తన చదువుకు సంబంధించిన ఉద్యోగ బాధ్యతలు నిర్వర్తించారు. చివరిలో మాంటిస్సోరి కాలేజీలో ప్రిన్సిపాల్‌గా ఉద్యోగ బాధ్యతలు నిర్వర్తించి పదవీ విరమణ పొందారు. ఈశ్వరమ్మగారి భర్త సుభాష్‌బాబు గారు కూడా ఉన్నత చదువులు చదివి చదువుకు తగ్గ ఉన్నత ఉద్యోగ బాధ్యతలు నిర్వర్తించి 2010వ సంవత్సరంలో పదవీ విరమణ పొందడం జరిగింది. వీరి విశ్రాంత జీవితం ఆరోగ్యంగా, ఆనందంగా గడపడానికి సరైన దారి ఇంటిపంట అని గుర్తించి ఆరు సంవత్సరాల నుంచి తమ ఇంటి మిద్దె మీద మిద్దె తోటను పెంపకం చేస్తున్నారు. మిద్దెతోటతో పాటు ఇంటి చుట్టుప్రక్కల కూడా కొన్నిరకాల పండ్ల మొక్కల పెంపకం చేస్తున్నారు. తమ ఇంటిపంటలో సూక్ష్మంలో మోక్షం అన్న సూత్రాన్ని పాటిస్తూ ఎక్కువ ఖర్చు పెట్టకుండా తమ ఆహార అవసరాలకు ఉపయోగపడే మొక్కలకు ఎక్కువగా ప్రాముఖ్యతను ఇస్తుంటారు. సాధ్యమైనంత వరకు తమ ఇంటి పంట ద్వారానే తమకు అవసరమయ్యే ఆకుకూరలు, కూరగాయలు, కొన్నిరకాల పండ్లను పొందుతుంటారు. 76 సంవత్సరాల వయస్సులో కూడా ఇంటి పంటకు సంబంధించి పలు రకాల పనులు తామిద్దరే చేసుకుంటూ బరువు పనులకు కూలీల మీద ఆధారపడుతూ నేటి యువతకు స్ఫూర్తిని అందిస్తున్న ఈశ్వరమ్మ గారి పట్టుదలకు చేస్తున్న చిరు సత్కారమిది.