Скачать или смотреть MTANZANIA ANAYESHIKILIWA NCHINI SUDAN, HALI IMEZIDI KUWA MBAYA LICHA YA DENI KULIPWA

Taasisi ya Madereva wa Malori, Mabasi na IT Tanzania kupitia Kiongozi wake Bw. Haruni Masuka Mwinula, imelalamikia madhila wanayokutana nayo yenye kutweza utu na hali zao kama binadamu wanapoingia nchi nyingine za Afrika kama Kongo kwani hawaoni thamani za kufikishiwa mizigo yao katika hali ya usalama na uaminifu kama ambavyo wana thaminiwa wanapoingia Tanzania.

Ameomba kupitia Mamlaka ya Balozi za Tanzania nje ya nchi kulichukulia uzito suala hilo kufuatia tukio la hivi karibuni la dereva wa gari la mizigo Bw. Juma Maganga aliyehukumumiwa hukumu ya kimila na familia ya Marehemu ambayo ni faini ya Shilingi Milioni 100 ambapo iligawanywa kwa Bw. Maganga Shiligi Milioni 30 na kwa Mmiliki wa gari Shilingi milioni 70 au adhabu kali baada ya kumgonga kwenye ajali ya barabarani Askari wa Jeshi la Sudan Kusini na kusababisha kupoteza maisha.

Licha ya Watanzania kuchangia gharama za faini hiyo na kufanikiwa kupatikana, bado nchi hiyo imeshindwa kumuachilia huru kutokana na familia ya Marehemu kudai kuwa thamani ya gari lililohusika kwenye ajali hiyo halifikii kiasi cha Milioni 70 wanayoihitaji ili waweze kumuachilia Bw. Maganga hivyo ataendelea kuwa kizuizini.