ರಂಗನ್ ತೂಯನದೆ... ಓಲಾಂಡಲ....

ರಂಗನ್ ತೂಯನದೆ ಓಲಾಂಡಲ
ಕೃಷ್ಣನ್ ತೂಯನದೇ ||ರಂಗನ್||

ಯಮುನದೆ ಕರೆಬರಿ ಮೇಪದೆರೊಟ್ಟುಗು
ಆಟೊ ಕೂಠೊಡುಲ್ಲೆನೋ ಓ...ಓ...
||ಯಮುನ||
ಮರಬರ್ತ್ ಕುಲ್ಲೊಂದು ಪುರಲ್ನ್ ಉರಿತೊಂದು||2||
ಮರ್ಲ್ ಮಲ್ತೊಂದುಲ್ಲೆನೋ ಓ...ಓ...
||ರಂಗನ್||

ಪೇರ್ ಕೊಜಪು ಬೊಲ್ನೆಯಿ
ಮಾರುನ ಪೊಣ್ಣುಲೆಡ ಸುಂಕ ಸುಲಿಗೆ
ಮಲ್ಪುವೆನೋ ಓ...ಓ.. ||ಪೇರ್||
ಮಾಯೊದ ರಾಹು ರಕ್ಕಸೆರೆ ಗೊಬ್ಬುಗು
ಸಂಚಕಾರ ಕೊರ್ಪುನೆಟುಲ್ಲೆನೋ ಓಲಾಂಡಲ
||ರಂಗನ್||

ಒರ ಪನಯನ ನಮ್ಮ ನಂದಗೋಕುಲನಿಧಿ
ಓಲುಲ್ಲೆ ಬೇಗ ಪನ್ ಆ...ಆ..||ಒರ||
ಅಂಚಿಂಚಿ ನಾಡ್ದ್ ಕಾತ್ ಪೇಚಾಡ್ದ್||2||
ಬೇಂತಾರಡಾಯೆ ಯಾನ್ ಓಲಾಂಡಲ ||ರಂಗನ್||

ಘಮಘಮ ಗಮಸುನ ಪೂಮಾಲೆನಾಸಿರಿ
ಕಂಠೆಲ್ಡ್ ಸಿಂಗರಿದ್ ಓ...ಓ....||ಘಮಘಮ||
ಆ ಪುಣ್ಯ ಮೋಕೆದ ಕಮ್ಮೆನೆಡೊಂಜಾಪಿ||2||
ಕಣಮಾಯೆ ಕೊಣೊ ಇತ್ತೆನೇ ಓಲಾಂಡಲ
||ರಂಗನ್||