OZODLIK FILMI: Ukraina urushi va o‘zbeklar

ОЗОДЛИК ФИЛЬМИ: Украина уруши ва ўзбеклар


Аксар ўзбекистонликлар Украинада иккинчи йил давом этаётган урушни Россия пропагандаси кўзи билан кўрадилар.

Бунга сабаб Ўзбекистон ахборот маконининг ҳануз Россия телеканаллари таъсири остида қолаётганидир.

Аввалроқ Украинанинг Тошкентдаги элчиси Николай Дорошенко Ўзбекистон ҳукуматини мамлакатда рус телеканалларини тақиқлашга чақирганди.

Ўзбек расмийлари элчининг мурожаатини жавобсиз қолдиришган. Расмий Тошкент Украинадаги уруш бўйича нейтрал позицияни эгаллаганини айтиб келади, аммо Тошкентдаги ғарблик дипломатлар ва экспертларга кўра, бу “нейтраллик” Киевдан кўра Москвага яқинроқдир.

Уруш бошланганидан буён президент Шавкат Мирзиёев бирон марта Украинани тилга олмаган, украиналик ҳамкасби Владимир Зеленский билан мулоқот қилмаган.

Аммо Украинадаги урушни яқиндан кузатаётган, нафақат кузатаётган, балки унда бевосита иштирок этаётган, у ерда жанг қилаётган, шунингдек, уруш ичида ҳаёт кечираётган ўзбекистонликлар талайгина.

Сентябрь ойи бошида Украинага сафар қилган Озодлик мухбири Барно Анвар у ердаги вазиятни ўз кўзи билан кўрди, жангчилар ва оддий аҳоли вакиллари, сиёсатчи ва ҳарбийлар, ўзбекистонлик ва марказий осиёликлар билан суҳбатлашди.

Озодлик Украинадан ҳозирлаган фильмлардан бири Россия ишғолининг илк кунлари даҳшатли қатлиомга саҳна бўлган Бучада бедарак кетган сурхондарёлик 9 нафат меҳнат муҳожирининг тақдирига бағишланади.

Озодлик фильмларини ўтказиб юборманг! Уларни томоша қилинг, тармоқларда бўлишинг ва фикр билдиринг.

🔴 https://t.me/ozodlikkanali kanaliga obuna bo'ling!

🔴 Bizga xabar yo'llash uchun 👉 @ozodnews

Aksar o‘zbekistonliklar Ukrainada ikkinchi yil davom etayotgan urushni Rossiya propagandasi ko‘zi bilan ko‘radilar.

Bunga sabab O‘zbekiston axborot makonining hanuz Rossiya telekanallari ta’siri ostida qolayotganidir.

Avvalroq Ukrainaning Toshkentdagi elchisi Nikolay Doroshenko O‘zbekiston hukumatini mamlakatda rus telekanallarini taqiqlashga chaqirgandi.

O‘zbek rasmiylari elchining murojaatini javobsiz qoldirishgan. Rasmiy Toshkent Ukrainadagi urush bo‘yicha neytral pozitsiyani egallaganini aytib keladi, ammo Toshkentdagi g‘arblik diplomatlar va ekspertlarga ko‘ra, bu “neytrallik” Kiyevdan ko‘ra Moskvaga yaqinroqdir.

Urush boshlanganidan buyon prezident Shavkat Mirziyoyev biror marta Ukrainani tilga olmagan, ukrainalik hamkasbi Vladimir Zelenskiy bilan muloqot qilmagan.

Ammo Ukrainadagi urushni yaqindan kuzatayotgan, nafaqat kuzatayotgan, balki unda bevosita ishtirok etayotgan, u yerda jang qilayotgan, shuningdek, urush ichida hayot kechirayotgan o‘zbekistonliklar talaygina.

Sentabr oyi boshida Ukrainaga safar qilgan Ozodlik muxbiri Barno Anvar u yerdagi vaziyatni o‘z ko‘zi bilan ko‘rdi, jangchilar va oddiy aholi vakillari, siyosatchi va harbiylar, o‘zbekistonlik va markaziy osiyoliklar bilan suhbatlashdi.

Uzbek | Uzbekistan | Ozbekiston | Ozbek | Yangiliklar | Xabarlar | Mirziyoyev | Tezkor |

#ozodlik #ukraina #rossiya #bosqin #ukraine #warinukraine #ukrainaurushi #uzbekistan #uzbek #uzbeks