Скачать или смотреть حنا لنا خيل طرفها بسنجار / وخيل بنجد ماتعدد ركابه

قصيدة الامير حمود العبيد الرشيد بعد الانتصار بمعركة المليدا ١٣٠٨هجري

أوجب علينا الشكر والحمد ماصار
رب السما محي الوطا من سحابه
اللي وعد من عقب الإعسار بيسار
وطلباتنا له سمعها واستجابه
شمت بحال القرد وايزاه تعزار
الزود هو الكذب هذي عقابه
وانصارهم شروى مشامت هل النار
كلن تمنا ليت مالله سعابه
الله كفانا كيدهم والي الأقدار
كلن جعل كيده يجي في لبابه
لو كان له جيشن يشريه ومهار
الله جعل جيشه وخيله ذهابه
مايدري ان حنا نعلم بالأخبار
وركابنا أكثر من هلايم ركابه
حنا لنا خيل ن طرفها بسنجار
وخيل ن بنجد مايعدد حسابه
وحنا حمينا نجد من شر الأشرار
وخطر العرب نودع حلاله نهابه
لولا محمد كان يكسبن الأمرار
أزل عنها البدو وأعفى جنابه
وإلا الجبل ضلع لنا مابه اخشار
معيين به قبل النبي والصحابة
بسيوف هندٍ سنهن كل بيطار
هو شغلنا قبلك وقبل الحرابة
نلهى بهن وبصوغهن سر واجهار
ملهى عروس اللي بنايق ثيابه
واللي يجي يذكر طعّنا لمن سار
يفطن لبقعاء هي ومنهو غدابه
وإليا غزينا واحتزمنا بالاكوار
أكواننا فكّر وشف وش جرابه
وين الإمام اللي محنا ليا سار
وين الشيوخ اللي علينا غزابه
اللي انذبح واللي صويب ومحتار
و الماطلي ما ينتداوى صوابه
وزويمل من قبل ماصار مكار
راعي عهودن مرة ماوفا به
أطاع حكي القرد رجواه بالثار
والقرد قبل مايتمم جوابه
هي عادة الله مع خبيثين الأضمار
مكناتهم خليت وصارت خرابه
وبابن سعود لعبن مثل ماصار
فضخ وخلا ديرته هي ومابه
وخلا قصوره والمدافع على الدار
ويتولي العربان وأكمل زهابه

٠٠٠٠