Sinn Sisamouth - Jivit Muoy Besdoung Bey | Original Old Khmer Songs

បទចម្រៀង ជីវិតមួយបេះដូងបី
ច្រៀងដោយ ស៊ីន ស៊ីសាមុត
និពន្ធទំនុកច្រៀង និងបទភ្លេង ស៊ីន ស៊ីសាមុត
ដកស្រង់ចេញពីខ្សែភាពយន្តរឿង លោហិតស្ទឹងក្រញូង
មាននៅក្នុងថាសហ្គាណេហ្វូ ៤៥ ០០៤ B Samouth

====
ពោលៈ ដួងចិត្តមានធម៌ដូចពោធិព្រឹក្ស
ឱ្យនឹកគោរពដូចពុទ្ធសាសនា...!

I - អ្នកស្លាប់ទៅហើយ មិនវិលវិញទេ
សល់នៅតែកេរ្តិ៍ ឱ្យអ្នករស់នឹក
ដួងចិត្តមានធម៌ដូចពោធិព្រឹក្ស
ឱ្យនឹកគោរព ដូចព្រះសាសនា ។

II - ចិត្តស្អាតបរិសុទ្ធដូចអ្នកតាំងសីល
បិទភ្នែកប្រមើល ដូចអង្គព្រះសាស្តា
រីឯទឹកចិត្ត បរិសុទ្ធស្នេហា
បិទភ្នែកកាលណា ឃើញគូជីវិត ។

R - វត្ថុក្នុងលោកស្លាប់ហើយតែរស់
មានតែកេរ្តិ៍ឈ្មោះ និងស្នេហាពិត
ទោះស្លាប់ទៅហើយ នៅឡើយអាណិត
ឱ្យគូជីវិត ឱបរឹតគ្រប់គ្រា ។

III - សេចក្តីនិរាស នៃមនុស្សចិត្តធម៌
មនុស្សមួយនគរ យំស្តាយគ្រប់គ្នា
បាចផ្កាឧទ្ទិស គ្រប់ទិនទិវា
ទឹកភ្នែកពណ៌នា ជាផ្សែងធូបទៀន។

IV - ដួងចិត្តសោកស្តាយក្លាយជាសម្រែក
ឱ្យយំឱ្យស្រែក ស្ទើរបែកវិញ្ញាណ
ប្រកាសប្រាប់ថា គ្មានអ្វីផ្ទឹមបាន
ចិត្តល្អធម៌មាន ប្រៀបបាននឹងព្រះវិហារ ។
===*===