(ယူကရိန်း နှင့် ရုရှား) တာတာမွတ်စလင်များ

အစ္စလာမ် စတင်မွေးဖွားလာကတည်းက ဥ‌ရောပနဲ့ အစ္စလာမ်ကမ္ဘာတို့ တစ်ခုနဲ့တစ်ခု အပြန်အလှန် ကူးလူး ဆက်သွယ်မှုတွေ စတင်လာခဲ့တာ ဖြစ်ပါတယ်။ အရဗီဘာသာစကားပြော ပုပ်ရဟန်မင်းကြီးတွေ ကနေ ဗိုင်ကင်းတွေထိ ဒီလိုကူးလူးဆက်ဆံမှုတွေကနေ အလွန်အမင်း စိတ်ဝင်စားစရာကောင်းတဲ့ အဖြစ် အပျက်တွေလည်း ရှိလာခဲ့ပါတယ်။ ဒီလိုကူးလူးဆက်ဆံမှုတွေကနေ ရံဖန်ရံခါ စစ်ရေးစစ်ရာနဲ့ ပတ်သက် ခဲ့လေသမျှ ဒီနေ့ခေတ် အထင်ကရ မီဒီယာတို့ (‌ဟော-ဒီမှာတွေ့ပြီဟေ့) ဆိုကာ အမိအရဆွဲထုတ် တင်ပြ ကြ၊ အားရပါးရဖွကြ၊ ပါတော့တယ်။ ဒါကြောင့် လူထုကလည်း မွတ်စလင် နဲ့ ဥရောပအင်ပါယာတို့ အ ကြား ဖြစ်ခဲ့ကြတဲ့ တိုက်ပွဲတွေဟာ ဘာသာရေးအားပြိုင်မှုတွေလို့ နားလည်သွားကြသလို ဒီလိုပဲ ပြန်ပြီး ဖောက်သည်ချလာ ကြပါတယ်။ တကယ်တော့ ဒီလို အလွန်အမင်းရှည်လျားပြီး ရှုတ်ထွေးလွန်းတဲ့ သမိုင်း ကြောင်းကြီးတစ်ခုလုံးကို မလောက်လေး မလောက်စား သုံးသပ်မှုမျိုးနဲ့ ခြုံပြောလို့ မရတာကြောင့် ဒါတွေက ရမ်းပြောနေကြတာဆိုရင် ပိုမှန်ပါလိမ့်မယ်။

ဥပမာတစ်ခုအနေနဲ့ ၁၆၈၃ ခုနှစ်မှာ အော်တိုမန်တို့ ဗီရင်နာ ကိုသိမ်းပိုက်ကြပါတယ်။ သမိုင်းကိုကွက်ပြီး လေ့လာထားသူတွေနဲ့ သမိုင်းအသိ နည်းပါးသူတွေအဖို့၊ ဒါက- ဥရောပခရစ်ယာန်တို့အပေါ် မွတ်စလင် ကမ္ဘာရဲ့ မဟာအောင်ပွဲလို့ လွယ်လွယ်ပဲ ကောက်ချက်ချလိုက် ကြပါတယ်။ တကယ်တော့ အဲ့ဒီ စစ်ပွဲမှာ ခရစ်ယာန်တို့နဲ့အတူ တိုက်ပွဲဝင်ခဲ့ကြတဲ့ မြင်းစီးစစ်သည်တော်တပ်တွေ အားလုံးလိုလိုဟာ မွတ်စလင်တွေ ဖြစ်ကြပါတယ်။ အော်တိုမန်အင်ပါယာလို့ မဖြစ်လာခင်ကတည်းက ဥရောပမှာ ဘိုးဘေးဘီဘင် အဆက် ဆက် အခြေချနေထိုင်ခဲ့ကြသူတွေပါ။ အဲ့ဒီမွတ်စလင်တွေက ဘယ်သူတွေလဲ။ တာတာ တွေ ဖြစ်ကြပါ တယ်။ အရှေ့ဥရောပက တာတာ မွတ်စလင် လူ့အဖွဲ့အစည်း ဖြစ်ပါတယ်။

တောင်ကြားဒေသတွေမှာ ကျက်စားတဲ့ ရှန်မာနစ္စတေခ် (Shamanistic) ရေသောက်မြစ်ကနေ ဆင်း သက်လာကြသူတွေ ဖြစ်ကြရာ၊ အခြား မွတ်စလင်ပါဝါတွေနဲ့ ဆက်နွယ်ပေါင်းကူးမှုတွေ ပေါ်မူတည်ပြီး၊ အချို့အုပ်စုတွေက အစ္စလာမ်ကို တိတိကျကျ လိုက်နာကျင့်သုံးနေဆဲဖြစ်သလို အချို့အုပ်စုတွေကတော့ လိုက်နာကျင့်သုံးမှု မရှိကြတော့ပါ။ ဒီနေ့ အချိန်မှာပင် သူတို့နေထိုင်ကြရာ တိုင်းပြည်တွေက ယဉ်ကျေးမှု ဓလေ့ထုံးတမ်းတွေကို ဘယ်လောက် အတိုင်းအတာထိ ကူးယူကျင့်သုံးနေကြတာတွေပေါ်မူတည်ပြီး အချို့က သူတို့ကိုယ်သူတို့ မွတ်စလင်လို့ ဆိုနေကြသည့်တိုင် နာမည်လောက်သာ ကျန်ပါတော့တယ်။ တစ်ချိန်တည်းမှာ အချို့အုပ်စုဝင်တွေက အစ္စလာမ်ကို သူတို့အသက်လိုပဲ အခိုင်အမာ ဖက်တွယ်ထားပြီး အစ္စလာမ် အမှတ်သရုပ်တွေနဲ့အတူ တိတိကျကျ လိုက်နာကျင့်သုံးနေကြတာ တွေနိုင်ကြပါသေးတယ်။

ခွဲခြားဆက်ဆံခံရခြင်း၊ ဖိနှိပ်ခံရခြင်းကြောင့် ငါတို့ ယုံကြည်မှုနဲ့ ငါတို့ ကိုယ်ပိုင်အမှတ်သရုပ်တွေကို စွန့်လွှတ်သွားရလောက်အောင် ငါတို့က လူသိမ်လူဖျင်းလူညံ့တွေ မဟုတ်ဘူးဆိုတဲ့ တာတာ အုပ်စုဝင် တွေကတော့ အခြားတာတာ အုပ်စုတွေထက် သူတို့ယုံကြည်မှုတွေနဲ့အတူ ဆက်ရပ်တည်နေဆဲ ဖြစ် ကြောင်း တင်ပြအပ်ပါတယ်။