Скачать или смотреть 下流上車族丨 曾志偉現身支持劇組 編審呼籲拎定紙巾睇大結局

下流上車族丨 曾志偉現身支持劇組 編審呼籲拎定紙巾睇大結局

台慶劇《下流上車族》今個星期播出結局篇，中間殺出疑似第三者嘅黃嘉雯(Carmaney)，與車志明發生曖昧。劇集播出以來收視捷捷上升，呢晚一眾演員約埋一齊睇劇，曾志偉更現身支持，仲笑談與林敏驄嘅收視約定。

林敏驄、江美儀、黃嘉雯、林穎彤、鄧智堅、關曜儁、羅毓儀、丁子朗及袁文傑等呢晚一齊睇劇，文凱婷被劇中「催淚彈」感動，車氏一家即上前抱抱送安慰，「車志明」林敏驄受訪指小三疑雲只係一場誤會，江美儀讚細女「蔓蔓」羅毓儀演得好，林敏驄透露仲有三場催淚位，講到《下流上車族》咁好成績，曾志偉笑指之前「賭注」輸咗要裸跑：「我而家去街市買緊隻『螺』。」林敏驄就話預咗志偉唔認數。

對於不少網民推林敏驄爭今年台慶視帝，林敏驄「我拍套劇之嘛，咁多嘢跟尾，個頭㷫我就知。」黃嘉雯前晚嗰集以水著亮相，睇到一眾演員嘩嘩聲，林穎彤大讚黃嘉雯好身材：「佢嘅南半球係力壓，我只係『小籠包』。」

《下流上車族》編審朱鏡祺同劉小群盛讚車家演出，更呼籲觀眾拎定紙巾睇大結局，拭目以待睇車志明點樣兜，又稱讚車師奶江美儀同細女「蔓蔓」羅毓儀嘅演技。

#下流上車族 #林敏驄 #江美儀 #黃嘉雯 #林穎彤 #關曜儁 #羅毓儀 #丁子朗 #鮑起靜 #劉小群 #朱鏡祺 #曾志偉 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0