Скачать или смотреть 112-ის დეპარტამენტის SMS და ვიდეო ზარი უფასოა სმენადაქვეითებული პირებისათვის.

საქართველოს შინაგან საქმეთა სამინისტროს 112-ის დეპარტამენტის SMS და ვიდეო ზარი 27 მარტიდან ხელმისაწვდომია მთელს საქართველოში, 24 საათის განმავლობაში და განკუთვნილია მხოლოდ ყრუ და სმენადაქვეითებული პირებისათვის.

სერვისის პრეზენტაცია დღეს ზუგდიდში გაიმართა. ღონისძიებას სერვისის უშუალო ბენეფიციარები ესწრებოდნენ. დღევანდელი ღონისძიების ფარგლებში წარმოდგენილი იყო დეტალური ინფორმაცია 112-ის ახალი სერვისის შესახებ, მათ შორის, ვიდეო რგოლები და საინფორმაციო მასალები, რომლებიც მარტსა და აპრილში საქართველოს სხვადასხვა რეგიონში გავრცელდება. პრეზენტაციის დროს სერვისის მომხმარებელ ყრუ და სმენადაქვეითებულ პირებს შესაძლებლობა ჰქონდათ ადგილზე დარეგისტრირებულიყვნენ 112-ის მონაცემთა ბაზაში და თავად შეემოწმებინათ ახალი მომსახურების გამართულობა.

112-ის ინიციატივა ხორციელდება გაეროს განვითარების პროგრამისა (UNDP) და შვედეთის მთავრობის მხარდაჭერით. სერვისის შემუშავებაში აქტიურად იყო ჩართული საქართველოს ყრუთა კავშირი.