Süleyman Ələsgərovun 100 illik yubileyinə həsr olunmuş Festival- Müsabiqənin Qala - konserti-3

22-26 aprel tarixlərində Azərbaycan Respublikası Elm və Təhsil Nazirliyi, Azərbaycan Respublikası Mədəniyyət Nazirliyi və Bülbül adına Orta İxtisas Musiqi Məktəbinın birgə təşkilatçılığı ilə respublikada gənc istedadların aşkara çıxarılması, onların professional inkişafının dəstəklənməsi, ifaçılıq sənətinin inkişafı məqsədi ilə Azərbaycanın Xalq artisti, bəstəkar Süleyman Ələsgərovun 100 illik yubileyinə həsr olunmuş milli musiqi alətləri ifaçılarının və xanəndələrin Respublika festival- müsabiqəsi keçirildi. Respublikanın müxtəlif region və şəhərlərində yerləşən uşaq musiqi və incəsənət məktəblərinin qatıldığı bu müsabiqədə 420 nəfər iştirakçı iştirak edərək, münsüflər tərəfindən diplom və fəxri fərmanlarla təltif edildilər. Müsabiqənin son günü Beynəlxalq Muğam Mərkəzində qaliblərin ifasında qala - konsert keçirildi.
Konsert tamaşaçıların gurultulu alqışları ilə sona çatdı.