Скачать или смотреть KOKORO LINGUA va INTERFAOL METODLAR

✍️Norinliklar yaxshi biladi: tuman Maktabgacha va maktab ta’limi bo‘limi tasarrufidagi 3-DMTT shu hududdagi eng yaxshi bog‘chalardan biri sifatida e’tirof etiladi.

🎚️Nima uchun? Bu savolga:
– Bog‘chamizda olib borilayotgan tarbiya va ta’lim jarayonlari yuqori sifat asosiga qurilgan, – deb javob qaytaradi tashkilot direktori Muyassarxon Xo‘jamqulova. – Chunki, 14 ta guruhga qamrab olingan 420 nafar bola, 16 nafar mutaxassis, 12 nafar ikkinchi, 1 nafar birinchi va yana bir nafar oliy, jami 30 nafar malakali pedagog tomonidan tarbiyalanadi. Ya’ni, tanlab olingan sifatli kadr, sifatli ta’lim-tarbiya omili bo‘lib xizmat qilmoqda.
Kuni kecha ushbu bog‘chada “Ta’lim jarayonida interfaol metodlardan foydalanishning samarali usullari” mavzusida o‘quv-amaliy seminar tashkil etildi.
✅Tumandagi DMTTlarning yetakchi tarbiyachilari, shuningdek, tuman MMTB mutaxasisilari Begzod Yo‘ldashev hamda Muqaddas Nazarovalar ishtirok etgan mazkur seminar ko‘pchilikning ko‘zi o‘ngida tashkilot haqida yuqorida bildirgan fikrlarni yana bir karra tasdiqladi.

◀️Dastlab tayyorlov, katta va yana 2 ta o‘rta guruhlarda ochiq mashg‘ulotlar bo‘lib o‘tdi.
➡️Xususan, oliy toifali tarbiyachi Gulmira Xo‘jamberdiyeva “Badiiy adabiyot”ning Vatan haqidagi she’rlarga oid mashg‘uloti, elementar matematika, ayniqsa, jonli tabiat timsolidagi o‘yinli ta’lim go‘yo tarbiyalanuvchilar o‘rtasidagi “bilimlar jangi”ga aylanib ketdi.
➡️Huddi shu jarayon Odina Madayipova tashkil etgan mashg‘ulotlarda ham davom etdi. Dafatan guruhga kirib borganimizda, o‘zimizni go‘yo futbol maydoniga, ayniqsa, fanatlar davrasiga tushib qolgandek xis etdik.
Yovvoyi va uy hayonlarini bir biridan farqlash bo‘yicha o‘zaro bellashayotgan bolalar har bir natija va rag‘batni shu tarzda qabul qilib olishdi.

▶️Tarbiyachi Mohigul Asqarovaning mashg‘uloti anchagina teranlik kasb etdi. Bolalar “Buyuk siymolar”imizni qayta yod etishdi. Bu jarayonda “Sharq go‘zali”, deb nomlangan kuylak va undagi kamalakning yetti jilosiga monand yetti yaproqda aks etgan ajdodlar seriyasi ko‘pchilikda katta taassurot qoldirdi. Bu kabi innavasion mantiq asosida tayyorlangan “sehrli quti” yoki televizor shaklini olgan madaniy ko‘rgazma qurollari tarbiyalanuvchilarni mustaqil fikrlashga, ijod qilishga, harakatchanlikka undadi.

🌈Darvoqe, bog‘chaning tayyorlov guruhi tarbiyachisi Feruza Rajapov tashkil etgan mashg‘ulot tugal mohiyati bilan Mir Alisher Navoiyning hayoti va ijodiga bag‘ishlandi. Bolalar Navoiyning g‘azal va ruboiylaridan shu qadar ko‘p yod etganliklarini ifoda etishdi.

▶️Feruza Rajapovaning rusiyzabonligi va bu boradagi bilim-tajribalarini kichkintoylar bilan teng baham ko‘rayotganligi mashg‘ulot jarayonida yaqqol ko‘zga tashlanib turdi. Bolalar kril alifbosidagi “P” tovushi ustida maroq bilan ishlashdi.
Aytganday, Feruza opa ushbu jarayonda o‘zining kichkintoy shogirdlariga “Kokoro lingua” platformasi orqali fransuz tilini oson o‘rganishning zamonaviy usullarini ko‘rsatib berdi.

↪️Tadbir so‘ngida o‘quv-amaliy seminarning tahlili o‘tkazildi. Bu jarayonda tarbiyachilar Shirinoy Ergasheva hamda Farog‘at Ibragimovalarning hammuallifda taqdim etgan nazariy taqdimotlari interfaol metodlar va ulardan foydalanishning samaralarini yanada kengroq yoritib berishga xizmat qildi.

💬Dastur davomida kichkintoylar ijro etgan raqs, kuy-qo‘shiqlar qatnashchilar yuragidan alohida joy egalladi.