A JULIÁN MOJEDANO (Javier Feijóo)

Canción: A JULIÁN MOJEDANO
Letra: Javier Feijóo
Música y voz: I.A.

Poema: A JULIÁN MOJEDANO MUÑIZ (Esa voz)

Arrebusco’n el jondón de mis sentíos
esa juerza qu’arrejunte mis palabras
pa jacer el homenaje que merece
a esa voz que del castúo jizo patria.

Y lo mesmo qu’el riachuelo cantarino
retozando entre los brezos y las jaras,
argo asín como la lus d’atardeceres
tiñendo las encinas de naranja,
asín brotan de mi pluma sentimientos
amasaos con el miajón d’estas palabras:

A esa voz engalaná d’Extremadura
mamantá con el coraje d’una raza,
qu’a los versos del maestro del castúo
dio la juerza qu’arrancara nuestras lágrimas.

A esa voz qu’estremeciera’n su quejío
a las recias jerramientas de labranza
cuando ajondan gorteando los terruños
escarbando d’esta tierra sus entrañas.

A esa voz de sonrisinas y de llanto,
a esa voz que tós llevamos drento’l alma,
a esa voz que tié tu nombre, MOJEDANO,
a esa voz que me s’antoja coló parda.

JAVIER FEIJÓO