BelgeFilm-Operasyona Şingalê | بەڵگەفیلم- ئۆپەراسیۆنی شنگال

پێش ئەوەی هێرش بکرێت، پلانێکی تۆکمە بۆ کۆنترۆڵکردنەوەی شنگال دانراوە، پلانەکە لەلایەن فەرماندەکان شی دەکرێتەوەو خۆیان ئامادە دەکەن بۆ هێرشکردن.


داعش لە هەموو شوێنێکی شنگال و دەوروبەری بۆمبی داناوە، بۆ ئەوەی ببنە رێگر لە هێزەکانی پێشمەرگە، بەڵام پێشمەرگە وردە وردە لە شنگال نزیک دەبێتەوە و تیمەکان رێگە خۆش دەکەن بۆ پێشڕەوی پێشمەرگە. شانبەشانی پیاوان پێشمەرگەی ئافرەتیش بەشدارن.


دوای بۆردوومانێکی چڕی فرۆکەکانی هاوپەیمانان، داعش هیچ دەرفەتێکی رزگاربوونیان نەماوە، بۆیە بە ئۆتۆمبێڵی بۆمبڕێژکراو هێرش دەکەن، بەڵام پێش ئەوەی بگەنە ئامانجەکانی خۆیان دەبنە ئامانجی پێشمەرگە.


دوای کۆنترۆڵکردنی هەموو گوندەکانی دەوروبەری شنگال و تەوقکردنی داعش لەنێو شنگاڵدا، رۆژی دووەمی ئۆپەراسیۆنی شنگال دەستپێدەکاتەوە.


هەر شوێنێک پێشمەرگە کۆنترۆڵی دەکات ئاڵای داعشی لێ دەهێنێتە خوارەوە. داعش زۆربەی خانووەکانی نێو شنگالی بۆمبڕێژکردووە، تیمەکانی مینهەڵگرەوە دەیانەوێ پاکی بکەنەوە، بۆ ئەوەی نەبێتە مەترسی لەسەر گیانی پێشمەرگە.


چەکدارانی داعش پێڕانەگەیشتوون جانتاکانیشیان لەگەڵ خۆیان ببەن، ئەگەرچی دەڵێن جگەرە حەرامە، بەڵام چەرخ و پاکەتی داعش لە شنگال بەجێماون. تیمی پزیشکی بە هەموو پێداویستییەکانیانەوە، ئامادەبوون، بۆ چارەسەرکردنی بریندارەکان و دەرمانکردنیان.


بەهۆی وێرانبوون و مەترسی بوونی تەقەمەنی و بۆمبی چێنراو؛ رێگە بە خەڵکی شنگال نادرێ بگەڕێنەوە واری خۆیان، تاوەکو پاکدەکرێتەوە. دوای کۆنترۆڵکردنەوەی شنگال، کوردانی ئێزدی دەیانەوێ ئەو قەزایە بکرێتە پارێزگایەکی هەرێمی کوردستان.