Скачать или смотреть பிரண்டைத் துவையல் | மூட்டு வலி செரிமானம் பசியின்மை அனைத்தையும் போக்க வல்ல அருமருந்து

#pirandaichutny #பிரண்டைசட்னி

பிரண்டை துவையல் செய்முறை:
பிரண்டையை தண்ணீரில் நன்கு அலசி சுத்தம் செய்து பொடியாக நறுக்கி எடுத்து வைக்கவும். பிறகு ஒரு வாணலியில் சிறிது நல்லெண்ணெய் விட்டு பிரண்டையை சேர்த்து நன்கு வதக்கவும். அடுப்பை குறைத்து வைத்துநன்கு சுருள வதக்கி தனியே எடுத்து வைக்கவும்.பிறகு மறுபடியும் வாணலியை அடுப்பில் ஏற்றி உளுத்தம்பருப்பு 2 ஸ்பூன் காய்ந்த மிளகாய் தேவைக்கு கருவேப்பிலை சிறிதளவு சேர்த்து வதங்கியதும் வெங்காயம் தேவைக்கு போட்டு தக்காளி ஒன்று சேர்த்து தேவையான அளவு உப்பு போட்டு நன்கு வதக்கவும். பின்னர் பூண்டு பெருங்காயத்தூள் சேர்த்து நன்கு பிரட்டி சிறிதளவு தேங்காய் துருவல் சேர்த்து இவையெல்லாம் வதங்கியதும் அடுப்பை நிறுத்தவும். இப்போது வதக்கி வைத்துள்ள பிரண்டையும் இந்த கலவையுடன் சேர்த்து சிறிதளவு வெல்லம் சேர்த்து மிக்ஸி கப்பில் போட்டு கொஞ்சம் தண்ணீர் விட்டு கெட்டியாக அரைக்கவும். இந்தத் துவையல் சாதத்தில் போட்டு பிசைந்து சாப்பிட அருமையாக இருக்கும்.
நாம் எந்த அளவிற்கு பிரண்டை எடுக்கிறோமோ அந்த அளவுக்கு வெங்காயம் தக்காளி பூண்டு மிளகாய் தேவைக்கு சேர்த்துக்கொள்ளவேண்டும்.

பிரண்டையின் மருத்துவ குணங்கள்:

இந்த மகத்துவம் வாய்ந்த பிரண்டை இதய நோய்க்கு சேர்த்துக்கொள்வது நல்லது. மற்றும் மூல நோய் இருப்பவர்கள் இதை உணவில் எடுத்துக் கொள்ளலாம். மூட்டு வலி கை கால் வலி இருப்பவர்களும் சாப்பிடலாம். உடம்பில் உள்ள கெட்ட நீரை கரைக்க வல்லது. பிரண்டையில் வைட்டமின் சி அதிகம் உள்ளது. பசியின்மையை போக்கி செரிமானத்துக்கு ஏற்றது.இவ்வளவு மருத்துவ குணம் கொண்ட பிரண்டை கிடைத்தால் கண்டிப்பாக நீங்களும் உணவில் சேர்த்துக் கொள்ளுங்கள். இயற்கை கொடுத்த வரப்பிரசாதங்களை பயன்படுத்தி நாம் வாழ்வில் நலமும் வளமும் பெறுவோம்.