Скачать или смотреть 16th Himalayan Mela Highlights

नेपाली क्यानेडियन कम्युनिटी सर्भिस (NCCS) ले आयोजना गरेको १६औं हिमालयन मेला २०२४ भव्य रूपमा सफल बनाउन सहयोग गर्ने सबैलाई हार्दिक धन्यवाद तथा कृतज्ञता प्रकट गर्न चाहन्छौ।यस वर्षको मेला हामी सबैको मेहनत, सहयोग र उत्साहजनक सहभागिताले विशेष र भव्यरूपमा सम्पन्न भएको छ। हाम्रो संस्कृती र परम्परालाई जगेर्ना गर्दै, हाम्रो समुदायलाई एकताको धागोमा बाँध्न सम्पूर्णको योगदान अमूल्य रह्यो।
यस मेलामा ८,००० भन्दा बढी सहभागिहरूको उत्साहजनक उपस्थिति, विविध सांस्कृतिक प्रस्तुतिहरू, र नेपाली खानपानले हाम्रो संस्कृतिलाई विश्वमाझ चिनाउन सफल भएको आभास भएको छ।यस सफलताका लागि सम्पूर्ण कलाकार, स्वयंसेवक, प्रायोजक, सहभागी, र दर्शकहरूको निरन्तर प्रयास र समर्पणको हामी उच्च सम्मान गर्दछौं।
विशेष धन्यवाद तथा आभार व्यक्त गर्न चाहन्छौं प्रायोजकहरू, स्वयम्सेवकहरू, र सम्पूर्ण आयोजक टोली प्रति, जसले आफ्नो समय, ऊर्जा, र साधनस्रोतहरू उदारतापूर्वक प्रदान गर्नुभयो। तपाईँहरूको समर्थन विना यो कार्यक्रम सफल हुन असम्भव थियो। भविष्यमा पनि तपाईँहरूको साथ र सहयोगको अपेक्षा गर्दछौं।
यो मेलामा प्रमुख अतिथिहरूको गरिमामय उपस्थितिले हाम्रो कार्यक्रमलाई थप गरिमामय बनायो। हामी सम्माननीय क्यानाडाका लागि नेपालका राजदूत महामहिम भरतराज पौड्यालज्यूको उपस्थितिलाई विशेषरूपमा धन्यवाद दिन चाहन्छौं। तपाईँको निरन्तर समर्थन र मार्गदर्शनले हामीलाई प्रेरणा प्रदान गरेको छ।
पर्यटन तथा गेमिङ मन्त्री र एमपीपी, माननीय स्टान चाउज्यू, विशेष अतिथि एमपीपी डोली बेगमज्यू, एनआरएनए क्यानाडाका अध्यक्ष श्री माधव दुलालज्यू, क्यानाडेली बहुसांस्कृतिक परिषद्का अध्यक्ष डा. तुलसी धरेलज्यू, ग्लोबल एनआरएनएका सह -कोषाध्यक्ष अभिमन्यु बस्नेतज्यू, कन्सुलेट जनरल श्री कुञ्जर राज शर्माज्यू मेलालाई सफल बनाउन महत्त्वपूर्ण भूमिका खेलेको छ। साथै, टोरन्टोकी मेयर ओलिविया चाउज्यूको उपस्थितिले हाम्रो कार्यक्रमलाई थप उचाई प्रदान गरेको छ। तपाईँहरूको योगदान र अमूल्य सुझावहरूले हामीलाई आगामी दिनहरूमा समेत मार्गदर्शन गर्नेछ।
यस मेलाबाट हामीले प्राप्त गरेका अनुभव र सिकाइहरूलाई ध्यानमा राख्दै, आगामी मेलाहरूलाई अझ उत्कृष्ट बनाउन हामी प्रतिवद्ध छौं। तपाईँहरू सबैको सुझाव र प्रतिक्रियालाई हामी सँधै सम्मानपूर्वक ग्रहण गर्दै भविष्यमा अझ राम्रो कार्यक्रम गर्न सजिलो हुनेछ।
सबैलाई पुनः हार्दिक धन्यवाद !!
नेपाली क्यानेडियन कम्युनिट सर्भिस (NCCS)