Скачать или смотреть ဂုတ်ထိပ်တံတား အောက်တည့်တည့်က လျှို့ဝှက်လွန်းတဲ့ ဂုတ်တွင်းဂူကြီးထဲမှာ ဘာတွေရှိနေမလဲ

ခန့်ညားလှတဲ့ လျှို့ဝှက်တဲ့ရေတံခွန်ကြီး
.
၃ နာရီကျော်ကျော်လောက် ခက်ခက်ခဲလေး သွားလိုက်ပြီးရင် အဆုံးမှာ မြင်ရတဲ့ မြင်ကွင်းက တကယ့်ကို ရင်သပ်ရှှုမောစရာပါ၊ ဂုတ်ထိပ်တံတားကြီးအောက်မှာ ခန့်ညားစွာ နေရာယူထားတဲ့ အဝ အကျယ်ကြီးပွင့်နေတဲ့ ၂ ဖက်ပွင့်ဂူကြီးကို မြင်ရမှာပါ၊ စီးလာတဲ့ချောင်းလေးကလဲ ဂူနားအရောက်မှာ ရေစီးတော်တော်သန်သွားပါတယ်၊ စစ်အတွင်းတုန်းက ပြုတ်ကျပျက်ဆီး ခဲ့တယ်လို့ ယူဆရတဲ့ သံဘောင် အပိုင်းအစတွေလဲ ဂူဝမှာ တွေ့ခဲ့ရတယ်၊ ဂူထဲကိုအဝင်ကတော့ တချို့နေရာတွေမှာက ရေညှိတွေရှိနေတာကြောင့် နည်းနည်းလေးပိုပြီး သတိထားသွားရတယ်၊ ဂူထဲကိုရောက်ရောက်ချင်းပဲ စပြီးရတာက လင်းနို့ချေးနံပါ၊ ဂူနံရံကြီးကလဲ တော်တော်မြင့်တယ်၊ လင်းနို့တွေလဲ တော်တော်များများရှိတယ်၊ ဒီတိုင်းကြည့်ရင်တော့ မမြင်ရဘူး၊ ကျွန်တော်တို့ ဂူထဲဝင်လာလေ .. အရမ်းမှောင်ပြီး မမြင်ရတာကြောင့် ဓါတ်မီးနဲ့ သွားတဲ့အခါကျတော့မှာ .. ဓါတ်မီးအလင်းရောင်ကြောင့် တွဲလဲခို အိပ်နေတဲ လင်းနို့တွေ တပြုံကြီး ဆင်းလာလိုက်တာ Bruce Wayne ရဲ့ Bat Cave ကြီး အတိုင်းပဲ။ အဲ့ဒါနဲ့ ကျွန်တော်တို့လဲ သူတို့ကို အနှောင့်အယှက် မပေးချင်တာနဲ့ ဓါတ်မီးတွေပြန်ပိတ်ပြီး ပြန်လာခဲ့ကြပါတယ်။
.
P.S. ဒီဗီဒီယိုကတော့ .. ကျွန်တော်တို့ ၂၀၁၈ ဖေဖော်ဝါရီ တုန်းက သွားထားတဲ့ ဗီဒီယိုဖြစ်လို့ ယခု အခြေအနေတွေနဲ့တော့ ကွာခြားနိုင်ပါတယ်။