Скачать или смотреть Solo Parents, uulanin ng mas maraming benepisyo | DobolP TV

Uulanin ng mas maraming benepisyo ang mga solo parent matapos na maging batas ang Expanded Solo Parents Welfare Act.

Sa ilalim ng Republic Act No.11861, maaari nang matawag na solo parent ang isang indibidwal sa loob ng anim na buwan.

Maaari na ring makatanggap ng benepisyo bilang solo parent ang mga senior citizen o persons with disability na mag-isang tumataguyod sa menor de edad bukod pa sa kanilang mga personal na benepisyo.
Nakasaad din dito na makakakuha sila ng seven-day paid leave mula sa regular na 15 na bakasyon kung sila ay employed ng anim na buwan sa trabaho.

Ang mga kwalipikadong solo parent at isang anak nito na may edad 22 pababa ay maari ring makakuha ng scholarship programs mula sa Department of Education, Commission on Higher Education at Technical Education and Skills Development Authority o TESDA.

Mayroon ding matatanggap na P1,000.00 monthly cash subsidy na kumikita ng minimum wage o mas mababa pa rito.

Habang ang mga kumikita ng mas mababa sa P250,000.00 ay entitled sa 10 percent discount at exemption mula sa value-added tax sa gatas, diapers, bakuna at gamot, hanggang sa ang anak ay mag-edad ng anim na taon.

Awtomatiko ring pasok sa National Health Insurance Program sa pamamagitan ng Philhealth kung saan sagot ng national government ang mga premium contribution.

Sinabi naman ni Senator Risa Hontiveros na siyang principal author ng panukala sa senado na isang matagumpay para sa lahat ang pagpasa ng naturang batas.



Water delivery boy, pasok sa audition ng Idol Philippines Season 2

Pasok sa audition ng Idol Philippines Season 2 ang isang Novo Ecijano na mula sa Gapan City nitong June 25, 2022 matapos makakuha ng apat na “YES” mula sa mga hurado na sina Regine Velasquez-Alcasid, Moira Dela Torre, Chito Miranda at Gary Valenciano.

Siya si Dave Maramag, 20-anyos, isang water delivery boy sa nabanggit na lugar ang siyang kauna-unahang lalaki na nakakuha ng Golden ticket sa pinakamalaking reality singing competition sa bansa.

Gamit ang kanyang gitara, inawit ni Dave ang “Hanggang Kailan” ng Bandang Orange and Lemons na sa pamamagitan ng kanyang sariling rendition ay umani ng positibong reaksyon sa mga hurado at manonood.

Labis ang kasiyahan ng binata sa unang sabak niya sa telebisyon at hanggang ngayon ay hindi pa rin makapaniwala na natanggap siya sa nasabing kompetisyon.

Nagpasalamat naman si Dave sa lahat ng mga sumusuporta sa kanya at sinabi na mas gagalingan at paghahandaan pa niya ang mga susunod na round sa Idol Philippines Season 2.