الشاعر محمد طه القدال الطمباره والغناي

محمد طه القدال/الطمباره والغناي
ﻧﺤﻦ ﺍﻫﻞ ﺍﻟﻔﺮﺣﺔ ﺟﻴﻨﺎ
ﻻ ﺍﻟﻤﺪﺍﻣﻊ ﻭﻗﻔﺘﻨﺎ ﻭﻻ ﺍﻟﺤﻜﺎﻳﺎﺕ ﺍﻟﺤﺰﻳﻨﺔ
ﻟﻤﺎ ﺩﺭﺏ ﺍﻟﺮﺍﻳﺤﺔ ﺟﺎﺑﻨﺎ
ﻓﻲ ﻫﺬﻱ ﺍﻟﻤﺪﻳﻨﺔ
ﻳﺎ ﻭﻟﺪﻱ ﺍﻟﺪﺭﻭﺏ ﺷﻘﺎﻗﺔ ﺑﺤﺮ ﺍﻟﺘﻴﻪ
ﻟﻴﻚ ﺩﺭﺏ ﻭﻻ ﺩﺭﺑﻴﻦ
ﻣﺴﺎﻙ ﺍﻟﺪﺭﻭﺏ ﺿﻬﺎﺏ
ﻟﻴﻚ ﻗﻠﺐ ﻭﻻ ﺑﺎﻟﻴﻦ
ﺳﻮﺍﻱ ﺍﻟﻘﻠﻮﺏ ﻛﻀﺎﺏ
ﻟﻴﻚ ﺿﻬﺮ ﻭﻻ ﺳﺮﺟﻴﻦ
ﺭﻛﺎﺏ ﺍﻟﺴﺮﻭﺝ ﻭﻗﺎﻉ
ﺷﻖ ﻳﺎ ﻭﻟﺪﻱ ﺑﺤﺮ ﺍﻟﺘﻴﻪ
ﺑﺘﺪﺭﺩﺭ ﻭﺗﺘﻮﺩﺭ
ﻭﻟﻤﻦ ﻳﻮﻡ ﻋﻠﻰ ﺗﺎﻳﺘﻨﺎ ﺩﻳﻚ ﺗﺮﺳﻰ
ﻧﻌﺰﻙ ﺑﺎﻟﻘﺒﻴﻞ ﺩﺍﺧﺮﻧﻮ ﻟﻴﻚ
ﺍﻟﺸﻮﻕ ﺑﺤﺮ ﻳﺎ ﻭﻟﺪﻱ ﺑﺤﺮﻙ ﺗﻴﺔ
ﻗﺘﻠﻴﻚ ﺍﻟﻌﻠﻴﻚ
ﺍﺩﺭﺍﺑﻮ ﻻ ﺗﻨﻐﺶ
ﻭﻻ ﺗﺮﺿﺎﺑﻮ ﻻ ﺗﻨﻐﺶ
ﻓﻲ ﺍﻟﺰﻣﻦ ﺍﻟﺬﻣﻴﻢ ﻭﺍﻟﻜﻲ
ﻳﺴﻮﻗﻮ ﺧﻼﻑ
ﻋﺸﺎﻥ ﺍﻟﻨﻲ
ﻋﻠﻴﻚ ﺍﻟﺪﻭﺭ ﻭﺗﺼﺮﻳﻒ ﺍﻟﻠﻴﺎﻟﻲ ﺑﺪﻭﺭ
ﺗﺸﻴﻞ ﻣﺎ ﺷﻠﻨﺎ ﻣﻦ ﺍﻟﻬﻢ
ﻭﻟﻤﻦ ﺩﻣﻌﺔ ﺗﺮﻣﻰ ﺍﻟﺪﻣﻌﺔ ﻓﻮﻕ ﺩﺭﺑﻚ
ﺭﻭﺡ ﻳﺎﺑﺎ ﻭﺍﺑﻘﻰ ﻗﻔﺎﻙ ﻻﺗﻌﺎﻳﻦ
ﻭﻻﺗﻌﺎﻳﻦ ﻋﻠﻰ ﻣﻮﻃﺎﻙ
ﻭﻻ ﺗﻨﺪﻡ ﻋﻠﻰ ﺧﻄﻮﺍ ﺗﻤﻠﻰ ﻣﺸﻴﺘﻮ ﻟﻲ
ﻗﺪﺍﻡ
ﻭﺍﺑﻘﻰ ﺍﻟﻌﺎﺗﻲ ﺯﻱ ﺳﻨﻄﺘﻨﺎ
ﺯﻱ ﺻﺒﺮﺍ ﻧﻠﻮﻙ ﻓﻮﻕ ﻣﺮﻭ ﺯﻱ ﺍﻟﺰﺍﺩ
ﻻ ﺷﻴﺘﺎ ﻧﺰﻝ ﻓﻲ ﺍﻟﺠﻮﻑ
ﻭﻻﺑﺮﺟﻊ ﻭﻻ ﺑﻨﺰﺍﺩ
ﺍﺭﻛﺰ ﻟﻠﺒﺠﻴﺒﻬﺎ ﺍﻟﺮﻳﺢ ﺗﻘﻴﻒ ﺍﻧﺖ
ﻭﻳﺸﻴﻠﻬﺎ ﺍﻟﺮﻳﺢ
ﻭﺍﺑﻘﻲ ﺍﻟﻌﺎﺗﻲ ﻭ ﺍﻟﺪﺭﺏ ﺍﻟﻮﺭﺍﻙ ﻣﺴﺪﻭﺩ
ﺷﻴﻞ ﺷﻴﻠﺘﻚ ﺑﻘﻴﺖ ﻟﻠﻨﺺ ﻻ ﺣﻠﻤﺎ ﻳﺠﻴﺐ
ﺍﻟﺒﺮ
ﻭﻻ ﺣﺪﻭﺕ
ﺍﻧﺒﻠﻴﺘﺎ ﺍﺧﺘﺎ ﺍﻟﺮﻣﻠﺔ ﻣﺎ ﺗﻘﻊ ﺍﻟﻤﻜﺎﻥ ﺍﻟﻬﺶ
ﺩﻱ ﺍﻟﻤﻤﻄﻮﺭﺓ ﻣﺎ ﺑﺘﺒﺎﻟﻲ ﻣﻦ ﺍﻟﺮﺵ
ﺍﻟﻨﻌﻤﺔ ﺑﺘﻌﺮﻑ ﻋﺎﻃﻴﻬﺎ ﻭ ﺍﻟﺠﻤﺮﺓ
ﺑﺘﺤﺮﻕ ﻭﺍﻃﻴﻬﺎ
ﺑﺎﻟﻜﻴﻠﻪ ﻋﺎﻃﻨﺎ ﻭ ﻣﺎ ﻟﻘﻴﻨﺎ ﻓﻮﻕ ﺟﻤﺮ
ﺧﻄﺎﻧﺎ ﻭ ﻣﺎﻟﻘﻴﻨﺎ
ﻓﻲ ﻳﻮﻡ ﺍﻟﻮﻋﺪ
ﻳﺎ ﺣﻠﻴﻮﺓ ﻓﻴﻚ ﺍﻟﺪﻧﻴﺎ ﻣﺎ ﻛﺎﻧﺖ ﺷﺮﻭﻕ
ﺇﻻ ﺍﻻﺭﺽ ﻣﺘﻜﺸﻔﺔ ﻭﻣﺘﺒﻠﻤﺔ
ﻣﻊ ﺍﻧﻮ ﻣﻦ ﺧﻴﺮ ﺍﻟﺨﺮﻳﻒ ﻻﻓﺤﺎﻟﻬﺎ ﺷﺎﻝ
ﻭ ﺍﻟﻔﺮﺣﺔ ﺧﻀﺮﺓ ﻓﺮﺣﺔ ﺩﻭﺏ
ﺗﺘﺸﺎﺑﻲ ﻟﻲ ﻋﻴﻦ ﺍﻟﺸﻤﺲ
ﻭ ﺍﻟﺒﺖ ﺣﻠﻴﻮﺓ ﺍﻟﻼﺑﺴﺔ ﺑﻴﻀﺎ
ﺑﻴﻀﺎ ﻛﺬﺍ ﺍﻟﺤﻠﻴﺐ
ﻭ ﺍﻟﺮﻭﺡ ﻣﺸﺘﺤﺘﻔﺔ ﻓﻲ ﺍﻟﺒﻠﻮﺩ ﺍﻟﻔﻴﻬﺎ
ﺭﻳﺤﺘﻚ
ﻟﻠﺒﻌﻮﺩ ﻣﻦ ﻓﺰﻋﺔ ﺍﻟﻐﺮﺑﺔ ﺍﻟﺒﺴﺎﺳﻖ
ﻓﻮﻗﻬﺎ
ﻣﻮ ﺭﺍﺟﻊ ﻭﻻ ﺑﻠﺤﻴﻞ ﻗﺮﻳﺐ
ﺍﻟﺮﻭﺡ ﻣﺸﺤﺘﻔﺔ ﻓﻲ ﺍﻟﺤﺒﻴﺐ
ﺍﻟﻘﻠﺐ ﺑﻜﺮ
ﺍﻟﺪﻧﻴﺎ ﻣﺎ ﺷﺎﻓﺘﺖ ﺟﺪﻳﺪﻭ ﻭﻻ ﺍﻟﺤﺰﻥ
ﺩﻗﺎﻟﻮ ﺑﺎﺏ
ﻟﻮ ﺷﻔﺖ ﻛﻴﻒ ﻳﻮﻡ ﺍﻟﻮﻋﺪ ﻛﻴﻔﻨﻮ
ﻣﺘﺮﺍﻣﻲ ﺍﻟﻐﻤﺎﻡ
ﻭ ﺍﻟﻘﻤﺮﻱ ﺯﻏﺮﺩ ﻟﻠﺒﻠﻮﻡ ﻭ ﺍﻟﻨﺴﻤﺔ ﻫﺒﺖ
ﻣﺮﺗﻴﻦ
ﻳﺎﺣﻠﻴﻮﺓ ﻳﻮﻡ ﺩﻗﻴﺖ ﺑﺎﺭﺿﻚ ﻓﺎﺱ
ﺧﺼﻴﺐ
ﻭ ﺍﻟﺘﺎﻧﻴﺔ ﻓﻲ ﻳﻮﻡ ﺍﻟﻮﻋﺪ ﻭﺍﻻﻳﺪ ﺗﺴﺎﻟﻢ
ﻓﻲ ﺍﻻﻳﺪﻳﻦ
ﻭﺍﻻﻡ ﺗﻘﺎﻟﺪ ﻓﻮﻕ ﺟﻨﺎﻫﺎ
ﻓﻮﻕ ﺟﻨﺎﻫﺎ ﺗﺸﻤﻮ ﺯﻳﻦ
ﻭﺣﻠﻴﻮﺓ ﺻﺎﺣﻴﺔ ﻛﺬﺍ ﺍﻟﻨﺴﻴﻢ
ﻓﻲ ﻳﻮﻡ ﺍﻟﻮﻋﺪ ﻭ ﺍﻟﺪﻧﻴﺎ ﻏﻴﻢ
ﻭﺣﻠﻴﻮﺓ ﺟﺪ
ﺟﺪ ﻳﺎﻭﻟﺪ ﻛﻞ ﺍﻟﺒﻠﺪ
ﻗﺎﻳﻞ ﻏﻨﺎﻭﻱ ﺍﻟﺤﺰﻥ ﻟﻴﺶ
ﺷﺎﻳﻞ ﻣﺴﺎﺩﻳﺮﻙ ﻣﺠﺎﻣﺮ ﺩﻣﻊ ﻟﻴﺶ
ﻟﻴﺶ ﻳﺎﺑﻠﺪ ﻭ ﺍﻟﻨﺎﺱ ﺗﺮﻳﺪ
ﻭ ﺍﻟﺪﻧﻴﺎ ﻛﻞ ﻣﺎ ﺍﻟﻨﻴﻞ ﺗﺰﻳﺪ
ﺗﻤﻼ ﺍﻻﻳﺪﻳﻦ ﺗﻔﺮﺡ ﺗﻬﺶ
ﺗﻔﺮﺡ ﺗﻬﺶ ﺗﻤﻼ ﺍﻻﻳﺪﻳﻦ
ﻟﻮ ﺻﺤﻴﺢ ﻏﻨﻴﻨﺎ ﺑﺎﻟﺪﻣﻌﺔ ﺍﻟﺤﻤﻴﻤﺔ
ﻟﻮ ﺩﻣﻮﻉ ﺍﻟﻔﺮﺣﺔ ﻣﺎ ﻻﻗﺖ ﻏﻨﺎﻧﺎ
ﺑﻜﺮﺓ ﻧﺮﺟﻊ ﺗﺎﻧﻲ ﻟﻠﻜﻠﻤﺔ ﺍﻟﺮﺣﻴﻤﺔ
ﺷﺎﻥ ﻫﻨﺎﻧﺎ ﺷﺎﻥ ﻣﻨﺎﻧﺎ
ﺷﺎﻥ ﻋﻴﻮﻥ ﺍﻃﻔﺎﻟﻨﺎ ﻣﺎﺗﻀﻮﻕ ﺍﻟﻬﺰﻳﻤﺔ