Скачать или смотреть ក្រាំងស្នេហ៍ឃុនផែន Covered by Ma Chanpanha (MCP)

បទ«ក្រាំងស្នេហ៍ឃុនផែន» គឺជាភស្តុតាងមួយ ដែលបញ្ជាក់ថា រឿងឃុនឆាងឃុនផែន គឺជាភាគនិទានមួយរបស់ជនជាតិខ្មែរយើង​ ដែលក្មេងៗតែងយល់ច្រឡំថាជារបស់អ្នកជិតខាង ដោយសារតែឈ្មោះព្រោះពួកគេតែងយល់ច្រឡំថាជាពាក្យបរទេស ដែលតាមការពិត គឺជាពាក្យចាស់ខ្មែរ ដែលខ្មែរបានរំកិលខ្លួនឈប់និយមប្រើ។ មូលហេតុដែលនិយាយបែបនេះ ដូចពាក្យ«ឃុន» យើងបានរកឃើញថា ជាពាក្យដែលបានប្រើតាំងពីមុនសម័យលង្វែក ឃុនហ្លួងព្រះស្ដេចកន ឃុនរតនៈសម្បត្តិ ឃុនភក្ដីសម្បតិ្ត ឬសាលាលូកឃុន(សាលាដំបូង) ជាដើម។

ដោយសារតែមានការយល់ច្រឡំបែបនេះផង និងមានភស្តុតាងរបៀបជាក់លាក់បែបផែនរបស់គេផង។ ក្នុងនាមខ្ញុំបាទជាអ្នកសិល្បៈ និងជាអ្នកស្រាវជ្រាវមួយរូបដែរ បានសម្រេចចិត្តចំណាយពេល និងថវិការផ្ទាល់ខ្លួនសម្រាប់ផលិតបទនេះឡើងវិញ ក្នុងគោលបំណង សាបព្រួសវប្បធម៌ជាតិយើង ឲ្យកូនខ្មែរជំនាន់ក្រោយបានដឹង។

បទនេះ ជាបទដើមរបស់លោក #យ៉ងឈាង ហៅសំនៀងរិទ្ធី «ក្រាំងស្នេហ៍» (លើថាសបោះពុម្ពថា គ្រាំងស្នេហ៍)
បទភ្លេង និង ទំនុកច្រៀង ដោយ #យ៉ង់ឈាង
សំនៀងដើម លោក #អ៊ិនយ៉េង
ចម្រៀងក្នុងភាពយន្តរឿង #ឃុនឆាងឃុនផែន
#ផលិតកម្មព្រះខ័នពេជ្រភាពយន្ត (លី វ៉ា)

ច្រៀងឡើងវិញដោយ ម៉ា ច័ន្ទបញ្ញា
ប្រគំឡើងវិញដោយ ដារ៉ាវីដ
រូបភាពដោយ អាឡិច ប៊ុនថា