Скачать или смотреть DAKOR : ભક્તિ અને આસ્થા સાથે 'ડાકોરના ઠાકોર' ના દર્શનાર્થે જતાં પદયાત્રિઓનો થનગનાટ

DAKOR : 28-2-2026 SAT
ભક્તિ અને આસ્થા સાથે 'ડાકોરના ઠાકોર' ના દર્શનાર્થે જતાં પદયાત્રિઓનો થનગનાટ
રણછોડરાયના રંગે રંગાયા ભક્તો : બાવન ગજની ધજા સાથે ડાકોર તરફના માર્ગો ‘જય રણછોડ’ના ગગનભેદી નાદથી ગૂંજી ઉઠ્યાં
ભક્તિ માર્ગો પદયાત્રિકોથી ઉભરાયો, મહેમદાવાદના રાસ્કાથી ખેડા જિલ્લામાં ભક્તોનો પ્રવેશ, ઠેકઠેકાણે સેવાયજ્ઞો. લોકો પોતાની શક્તિ મુજબ પદયાત્રીઓની સેવા કરી પુણ્યનું ભાથું બાંધી રહ્યા છે, યાત્રાધામ ડાકોરમાં આગામી ફાગણી પૂનમને લઈને ભક્તોનો ભારે ઉત્સાહ જોવા મળી રહ્યો છે. અમદાવાદ સહિત આસપાસના વિસ્તારોમાંથી લાખોની સંખ્યામાં પદયાત્રીઓ પગપાળા ડાકોર તરફ કૂચ કરી રહ્યા છે. શનિવારે મહેમદાવાદના રાસ્કા ચેકપોસ્ટથી પદયાત્રીઓએ ખેડા જિલ્લામાં પ્રવેશ કરતા ભક્તિ માર્ગો ‘જય રણછોડ માખણચોર’ના નાદ સાથે ગુંજી ઉઠ્યા હતા. ભક્તો માટે ઠેર-ઠેર સેવા કેમ્પો દ્વારા રહેવા-જમવાની વ્યવસ્થા કરવામાં આવી છે.
સુપ્રસિદ્ધ યાત્રાધામ ડાકોરમાં ફાગણી પૂનમનો ઉત્સાહ બમણાયો છે. કારણ કે, લાખોની સંખ્યામાં પદયાત્રીઓ ડાકોરના ઠાકોરના દર્શન કરવા માટે ઉમટી પડ્યા છે. અમદાવાદથી ડાકોરને જોડતા તમામ માર્ગો અત્યારે પદયાત્રીઓના પ્રવાહથી ઉભરાઈ રહ્યા છે. શનિવારે વહેલી સવારથી જ ખેડા જિલ્લાના મહેમદાવાદ તાલુકાના રાસ્કા ખાતેથી પદયાત્રીઓનો પ્રવેશ શરૂ થયો હતો. હાથમાં ૫૨ ગજની ધજાઓ અને મુખમાં રણછોડરાયના નામનો જાપ કરતા શ્રદ્ધાળુઓના કારણે સમગ્ર વાતાવરણ ભક્તિમય બની ગયું છે. ખાસ કરીને અમદાવાદથી નીકળેલા પદયાત્રીઓ ખેડા જિલ્લાની સરહદમાં પ્રવેશતા જ ભક્તિના ગગનભેદી નાદ સાથે માર્ગો ગાજી ઉઠ્યા છે.
આ વર્ષે પદયાત્રીઓમાં ભારે ઉત્સાહ જોવા મળી રહ્યો છે. અનેક મંડળો અને શ્રદ્ધાળુઓ ધોળી ધજાઓ સાથે પદયાત્રા કરી રહ્યા છે. છેલ્લા આઠ વર્ષથી પગપાળા આવતા પદયાત્રીઓએ જણાવ્યું હતું કે, દર વર્ષે તેઓ દર્શનાર્થે આવે છે પરંતુ આ વર્ષે પ્રથમ વખત ૫૨ ગજની ધજા સાથે ડાકોર તરફ પ્રયાણ કર્યું છે. ભક્તોમાં એવી અતૂટ શ્રદ્ધા જોવા મળી રહી છે કે તેમના પર ડાકોરના ઠાકોરનો હાથ છે, જેના કારણે આટલી લાંબી યાત્રા હોવા છતાં તેમના ઉત્સાહમાં કોઈ ઘટાડો જોવા મળતો નથી. માર્ગો પર નાના-મોટા તમામ વયના લોકો પદયાત્રામાં જોડાઈને ડાકોર તરફ આગળ વધી રહ્યા છે.
પદયાત્રીઓની સુવિધા માટે અમદાવાદ-ડાકોર માર્ગ પર સેવાભાવી સંસ્થાઓ અને ગ્રામજનો દ્વારા ઠેકઠેકાણે સેવાયજ્ઞો શરૂ કરવામાં આવ્યા છે. મહેમદાવાદના રાસ્કા, આમસરણ, કનીજ, ખાત્રજથી મહુધા તરફ જતા માર્ગ પર ઠેર-ઠેર વિસામાના ટેન્ટ ઊભા કરવામાં આવ્યા છે. આ સેવા કેમ્પોમાં પદયાત્રીઓ માટે ચા-નાસ્તો, ગરમાગરમ જમવાનું તેમજ રાત્રિ રોકાણ માટે ગાદલા-પથારીની ઉત્તમ સુવિધાઓ ઉપલબ્ધ કરાવાઈ છે. આ સાથે મેડિકલની પણ સેવા ભક્તો આપી રહ્યા છે. આ ઉપરાંત લાંબી મુસાફરીથી થાકેલા પદયાત્રીઓને આરામ મળે તે હેતુથી ઠંડા પાણી અને આરામ માટેના ખાસ ડોમ તૈયાર કરાયા છે. લોકો પોતાની શક્તિ મુજબ પદયાત્રીઓની સેવા કરી પુણ્યનું ભાથું બાંધી રહ્યા છે....


#DAY #SRP #GROUND #khedanews #anandnews #gujaratnews #gujarati #nadiadnews #nadiad #KHEDANEWS​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ #NADIADNEWS #ANANDNEWS #GUJRAT​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​NEWS #GUJRATI #CNSNEWS #NADIAD #CNS #bjpnews #bjp #badshah #badshahnews #SALUN #gandhinagar #pm #pmnarendramodi #pmo #cm #cmgujarat #vadtal #karamsad #નડીઆદમહાનગરપાલિકા #badrinath #talpadasamaj