شاعر القمة 🔥 اوبريت شاعر القمة قبيّل ال زيدان 🔥 كلمات فلاح فراج القرقاح & اداء جفران بن هضبان 2024

شاعر القمة 🔥

اوبريت حفل تكريم شاعر القمة
قبيّل بن سلمان ال زيدان

كلمات فلاح فرّاج القرقاح
اداء جفران بن هضبان

كلمات العمل


من يقول ان المساري علاج العاشقين
المساري للذيابه ولسباع الخلا

عايفٍ من كثر ماغنّوا المستشعرين
بس يالاول من الضيق والثاني ولا

ياعيون اللي تفاخر بفعل الاولين
جدّها ماقد زبن قوم ولا قد جلا

ماهي بتحتاج غمّازه وغمّازتين
والله من كثر الغناجه ومن كثر الحلا

ناظري في الناس يافاتنه من نصف عين
وازبني مرابع القلب ياريم الفلا

قرّبوا السبحه وخلوني اسلا ساعتين
هاجسي من زحمة الناس مبطي ماسلا

لي رفيقٍ لا نصيته وانا صدري حزين
ابتسم لا قال حييت وارحب ياهلا

بمدحه ما دام راسي يشم الاكسجين
مدحتي من دافع اعجاب واخلاص وغلا

ابن عمً راسه سنافي وجنبه متين
يحتمي دون المواجيب بالما والكلا

عارفً من راس طيب ومقدم عارفين
ذا ولد من يقري الضيف ويرد البلا

ذا ولد سلمان زحلً من اصحاب اليمين
جعلني من شوف وجهه وذكره ما اخلا

---------

اسمعوني واسمعوا بيت القصيده
باديٍ به والسعد والخير بادي

علّم اللي يحسب انّ المدح ميده
والله انه ساريٍ في وسط وادي

ما مدحت الا راع فعولً وكيدة
سمعته بين العرب مسكٍ وكادي

شاعر القمه وصياد الفريدة
مايجيب الشطر ولا البيت عادي

احتموا ربعه هل الاريا السديده
ووقفو من دون مركزه السيادي

ياقبيّل والنواميس التليده
مكسبك بالشعر ولا بالايادي

انت اخوي اللي هقاويّك بعيده
والله ونعم الروابع والمبادي

جعل راسك حي وايامك مديده
عنصري ماهوب فالموقف حيادي

سمعتك ماهيب من كتب وجريده
سمعتك من قبل شالح والمهادي

كل شيخٍ وارثٍ طيبه حفيده
عصر الاقلام اقتفى عصر الهنادي

يابن كلفوت المواقيف العنيده
مكسب جدودك مفتلة الزنادي

ربعك اللي وقعهم في الشيخ سيده
ال زيدان المطانيخ الحدادي

يطربون ان جات الايام الشديده
علم اللي تطربه نغمة عبادي

روسهم في ساعة الماقف عنيده
لا اعتلوا في المسرجات من العوادي

والله ونعم الاسامي والبديده
المحيط اللي ماهو والله هادي

افتخر لا قلت ربعي من عبيده
ركن قحطان الحضر ولا البوادي

اثقل بواجد من جبال الحديده
حسب ما اشوفه ماهو حسب اعتقادي


..
للتواصل والاستفسارات :
الحسابات الرسمية لـ منصة بصمة الابداع .

‏Official Whatsapp :
الرابط محادثة الواتساب المباشر :
https://wa.me/message/4GKUGHJQFDZTC1
+966562778026


‏Official Snapchat :
  / a_thane2  

‏Official Twitter :
  / a_thane2  

‏Official Instagram :
  / a_thane2  

ـــــــــــــــــــ