Скачать или смотреть Ауған соғысының қатысушылары шейіт болған 17 қазақ сарбазын еске алды

Алматыда ауған соғысының қатысушылары осыдан он тоғыз жыл бұрын тәжік-ауған шекарасында шейіт болған 17 қазақ сарбазын еске алды. 1995 жылдың 7 сәуірінде тұтқиылдан тап берген қарулы топпен қақтығыста қаза тапқан жауынгерлердің жанкешті ерлігін әріптестері де еске алып, ескерткіш тақтаға гүл қойды. Ал біздің тілшілер 17 сарбаздың рота командирін тауып, азаматтарымызды ажал құштырған төрт сағаттық соғыс туралы тілдесіп қайтқан еді.
17 азаматымызды ажал құштырып, 38 жауынгер жарақат алған қанды қақтығыс болған жер осы. Дәл осы аумақта, яғни тәжік пен ауған елінің шекарасы - Памир тауының етегінде еліміздің ішкі әскері тұтқиылдан келген шабуылға тап болды. Бұл кезде ішкі әскердің жеке ротасы - еліміздің бітімгершілік миссиясына сай, тәжік-ауған шекарасын күзетіп жүрген болатын. Біздің әскердің сан жағынан алғанда да, қарулы күйі де Тәжікстан шекарасын қару-жарақ пен есірткі дәлізіне айналдырмақ болған қарулы топтардан әлдеқайда кем болған көрінеді. Соған қарамастан, қазақ жігіттері қасық қаны қалғанша бекіністі бермеген.
ЕРЛАН АЛДАНАРОВ, Полковник, тәжік-ауған соғысына қатысушы:
Колоннаға моджахеттер шабуыл жасап, көптеген соғыс болды. Сағат он екіден басталып, сағат беске дейін бес сағат шамасында болды.
Полковник Ерлан Жарылқасынұлы, сол тұста ұрыс даласында өліспей-беріспеген өрімдей батыр жігіттерді басқарған рота командирі болған екен. Тұтқиылдан тап келген жаумен бетпе-бет ұрыста қазақ жігіттері ерен ерлік көрсетті, - дейді. Бір-бірінің жарақатын таңып, жараланғандарды сүйреп, әбігерге түссе де, олар ұрыс даласын тастап кеткен жоқ, - деп еске алады. Отан үшін, опат болғаны өз алдына, қан майданнан аман келгендерде де әлі күнге ардагерлік атақ жоқ, түрлі жеңілдіктер де оларға жасалмайды, тіпті, тәжік-ауған қақтығысына қатысқандарда - ауған соғысы ардагерлеріндегідей мәртебе де жоқ. Бірақ ең бастысы - сол атақ-даңқтан дәметіп жүрген жауынгер де жоқ, - дейді полковник.
ЕРЛАН АЛДАНАРОВ, Полковник, тәжік-ауған соғысына қатысушы:
Жұмыстар жүріп жатыр. Қосса қоссын, қоспаса қоспасын. Как командир мен ойлаймын, осы жағдайда араласқанды жақсы көрмеймін. Оған қатысқан сарбаздардың өзі 2000 ғана солдат болды. Біздің ғана рота емес, қаншама офицерлер, солдаттар болды.