ISFED-ის აღიარებული შეცდომის პოლიტიკური ფასი - აშშ-ის საელჩოს პოზიცია

2020 წლის სკანდალის არანაკლებ რეზონანსული გაგრძელება - ორგანიზაცია „სამართლიანი არჩევნების“ მიერ ჩატარებული პარალელური დათვლის არასწორ მონაცემებს ოთხი წლის თავზე ამერიკის საელჩოდან ეხმაურებიან.

არასწორად დათვლილი ხმები და საპარლამენტო არჩევნებიდან თვენახევრის შემდეგ აღიარებული შეცდომა საქართველო-ამერიკის ურთიერთობის გაუარესების კონტექსტში განიხილება. აშშ-ს საელჩოსთვის სიცრუის შემცველია ხელისუფლების განცხადებები, სადაც ოთხი წლის წინანდელი ფაქტი სახელმწიფო გადატრიალების მცდელობად შეფასდა. 1.8%-იანი თუ 2.5%-იანი ცდომილება - მმართველი პარტია საელჩოს ფაქტობრივ უზუსტობაზეც მიუთითებს და არ ცვლის პოზიციას იმის შესახებ, რომ ოთხი წლის წინ მანიპულაციებში აშშ-ის საელჩოს თანამშრომლებიც იყვნენ ჩართულები. თუ „ქართული ოცნების“ ლიდერების განცხადებებს დავეყრდნობით, სწორედ 2020 წლის პოსტსაარჩევნო მოვლენებით და ამერიკის მაშინდელი ელჩის კომენტარებით გაჩნდა პირველი ბზარი სტრატეგიულ პარტნიორთა ურთიერთობაში. შეცდომის აღიარებამდე იყო 40-დღიანი დუმილი და პარალელური დათვლის არასწორი მონაცემი, რომელიც ოპოზიციამ არჩევნების ოფიციალური შედეგებისთვის უნდობლობის გამოცხადების და პარლამენტის ბოიკოტის ერთ-ერთ მთავარ საფუძვლად გამოიყენა. 

ეწვიეთ ჩვენს საიტს - https://1tv.ge/
მოიწონეთ ჩვენი გვერდი -   / 1stchannel.1tv.ge  
გამოიწერეთ ჩვენი არხი -    / georgianpb  
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.