德宏人们向往的地方 ᥛᥫᥒᥰ ᥞᥝᥰ ᥞᥝᥰ ᥙᥥᥢ ᥛᥫᥒᥰ ᥑᥩᥢᥲ မိူင်းတႆးႁဝ်းပဵၼ်မိူင်းၶွၼ်ႈ เมืองไตยเฮาเป็นเมืองข้อน

ᥛᥫᥒᥰ ᥖᥭᥰ ᥞᥝᥰ ᥙᥥᥢ ᥛᥫᥒᥰ ᥑᥩᥢᥲ
ᥔᥣᥢᥰ ᥑᥨᥝᥲ - ᥓᥣᥭᥰ ᥑᥛᥰ ᥘᥦᥒ
ᥔᥣᥢᥰ ᥔᥥᥒᥴ - ᥓᥣᥭᥰ ᥑᥛᥰ ᥘᥦᥒ
ᥚᥧᥱ ᥞᥩᥒᥳ- ᥗᥣᥖ ᥜᥧᥒᥱ ᥑᥣᥛᥰ ᥟᥣ ᥛᥥᥝᥰ ᥖᥭᥰ ᥖᥬᥲ ᥑᥨᥒᥰ

ᥛᥫᥒᥰ ᥖᥭᥰ ᥞᥝᥰ ᥙᥥᥢ ᥛᥫᥒᥰ ᥑᥩᥢᥲ
ᥔᥣᥝᥴ ᥓᥬ ᥖᥩᥢᥲ ᥛᥣᥝᥱ ᥙᥝᥱ ᥙᥤᥱ ᥓᥣᥒ ᥛᥣᥰ ᥓᥧᥰ ᥘᥩᥰ
ᥗᥪᥒᥴ ᥛᥣᥰ ᥘᥬᥰ ᥝᥣᥱ ᥘᥒᥱ ᥔᥣᥛᥴ ᥘᥫᥢ
ᥔᥣᥝᥴ ᥙᥫᥢ ᥟᥩᥢᥱ ᥐᥢ ᥖᥨᥝᥰ ᥛᥩᥐᥱ ᥕᥣᥲ ᥓᥨᥛᥰ ᥔᥫᥰ
ᥟᥩᥰ ! ᥛᥫᥒᥰ ᥖᥭᥰ ᥞᥝᥰ ᥛᥫ ᥘᥫᥢ ᥔᥣᥛᥴ
ᥛᥪᥰ ᥝᥐᥳ ᥒᥣᥛᥴ ᥑᥩᥢᥳ ᥙᥣᥭᥱ ᥓᥦᥒ ᥑᥦᥒᥰ
ᥙᥨᥝᥳ ᥛᥣᥒ ᥑᥝᥲ ᥖᥥᥛ ᥛᥧᥒ ᥘᥥᥝᥴ ᥝᥣᥭᥱ ᥑᥪᥢᥰ ᥞᥫᥢᥰ
ᥟᥩᥢᥱ ᥐᥢ ᥖᥥᥱ ᥔᥣᥒᥲ ᥘᥣᥲ ᥞᥫᥢᥰ ᥛᥨᥢᥰ
ᥛᥫᥒᥰ ᥖᥭᥰ ᥞᥝᥰ ᥞᥫᥭᥰ ᥘᥩᥰ.

ᥛᥫᥒᥰ ᥖᥭᥰ ᥞᥝᥰ ᥙᥥᥢ ᥛᥫᥒᥰ ᥑᥩᥢᥲ
ᥛᥣᥝᥱ ᥓᥬ ᥖᥩᥢᥲ ᥔᥣᥝᥴ ᥑᥐᥴ ᥓᥣᥒ ᥖᥨᥝᥰ ᥘᥣᥭᥰ ᥘᥩᥰ
ᥗᥪᥒᥴ ᥛᥣᥰ ᥘᥫᥢ ᥔᥤᥱ ᥑᥤᥒᥱ ᥙᥥᥝᥱ ᥛᥨᥢ
ᥔᥣᥝᥴ ᥙᥫᥢ ᥟᥩᥢᥱ ᥐᥢ ᥔᥝᥰ ᥘᥫᥴ ᥐᥤᥱ ᥖᥨᥝᥰ ᥘᥣᥭᥰ
ᥟᥩᥰ ! ᥛᥫᥒᥰ ᥖᥭᥰ ᥞᥝᥰ ᥛᥫ ᥘᥫᥢ ᥔᥤᥱ
ᥓᥣᥭᥰ ᥞᥣᥒ ᥘᥤ ᥗᥩᥒ ᥘᥥᥱ ᥘᥧᥒ ᥑᥨᥝᥰ
ᥛᥫᥒᥰ ᥖᥭᥰ ᥞᥝᥰ ᥐᥦᥢᥱ ᥕᥧᥱ ᥘᥤ ᥔᥣᥛᥰ ᥔᥣᥱ ᥝᥢᥰ ᥓᥫᥢᥰ
ᥟᥩᥢᥱ ᥐᥢ ᥛᥥ ᥞᥫᥢᥰ ᥓᥤᥢᥰ ᥙᥥᥝᥱ ᥑᥨᥝᥴ ᥓᥨᥛᥰ
ᥛᥫᥒᥰ ᥖᥭᥰ ᥞᥝᥰ ᥞᥫᥭᥰ ᥘᥩᥰ

ᥛᥫᥒᥰ ᥖᥭᥰ ᥞᥝᥰ ᥙᥥᥢ ᥛᥫᥒᥰ ᥑᥩᥢᥲ
ᥛᥣᥝᥱ ᥛᥨᥝᥴ ᥒᥛᥳ ᥗᥭᥴ ᥔᥣᥝᥴ ᥓᥣᥒ ᥐᥧ ᥔᥦᥢᥴ ᥛᥥᥝᥰ ᥘᥩᥰ
ᥘᥫᥢ ᥞᥣᥲ ᥙᥨᥢᥳ ᥐᥣᥱ ᥑᥝᥲ ᥘᥫᥢ ᥞᥨᥐᥱ
ᥛᥧᥒ ᥛᥩᥒᥰ ᥔᥩᥢᥰ ᥘᥛᥳ ᥖᥝᥲ ᥛᥣᥰ ᥖᥨᥐᥱ ᥗᥪᥒᥴ ᥗᥩᥒᥴ
ᥟᥩ! ᥛᥫᥒᥰ ᥖᥭᥰ ᥞᥝᥰ ᥛᥫ ᥘᥫᥢ ᥞᥨᥐᥱ
ᥕᥣᥛᥰ ᥙᥥᥝᥱ ᥕᥣᥱ ᥔᥣᥛᥰ ᥔᥣᥱ ᥖᥧ ᥘᥩᥰ
ᥑᥝᥲ ᥙᥩᥭᥰ ᥔᥩᥢᥰ ᥘᥛᥳ ᥐᥩᥒ ᥛᥨᥝᥰ ᥐᥣᥱ ᥖᥒᥰ ᥛᥫᥒᥰ
ᥞᥖᥴ ᥞᥣᥢᥴ ᥖᥥᥱ ᥖᥒᥲ ᥖᥫᥒᥰ ᥟᥧᥲ ᥛᥥ ᥞᥝᥰ
ᥛᥫᥒᥰ ᥖᥭᥰ ᥞᥝᥰ ᥞᥫᥭᥰ ᥘᥩᥰ

ᥛᥫᥒᥰ ᥖᥭᥰ ᥞᥝᥰ ᥙᥥᥢ ᥛᥫᥒᥰ ᥑᥩᥢᥲ
ᥑᥥᥝᥴ ᥓᥣᥒ ᥖᥩᥢᥲ ᥐᥨᥙᥱ ᥐᥣᥭᥱ ᥙᥦᥒ ᥛᥫᥒᥰ ᥖᥧ ᥘᥩᥰ
ᥘᥫᥢ ᥓᥥᥖᥱ ᥙᥨᥢᥳ ᥐᥣᥱ ᥑᥝᥲ ᥘᥫᥢ ᥙᥦᥖᥱ
ᥑᥥᥝᥴ ᥛᥨᥝᥱ ᥖᥨᥢᥲ ᥑᥝᥲ ᥘᥨᥛᥰ ᥙᥝᥱ ᥞᥨᥝᥲ ᥝᥭᥴ ᥑᥩᥢᥰ
ᥟᥩ ! ᥛᥫᥒᥰ ᥖᥭᥰ ᥞᥝᥰ ᥛᥫ ᥘᥫᥢ ᥐᥝᥲ
ᥛᥩᥐᥱ ᥛᥣᥐᥱ ᥖᥣᥐᥱ ᥑᥣ ᥞᥝᥰ ᥘᥩᥰ
ᥝᥭᥳ ᥞᥬᥲ ᥛᥫᥒᥰ ᥖᥭᥰ ᥞᥝᥰ ᥔᥦᥢᥴ ᥜᥫᥴ ᥔᥫᥰ ᥔᥧᥢᥰ
ᥞᥨᥛ ᥘᥥᥝ ᥞᥤᥛᥰ ᥖᥫᥒᥰ ᥖᥦᥒᥱ ᥐᥪᥛᥰ ᥝᥧᥢᥰ
ᥛᥫᥒᥰ ᥖᥭᥰ ᥞᥝᥰ ᥞᥫᥭᥰ ᥘᥩᥰ
ᥛᥫᥒᥰ ᥖᥭᥰ ᥞᥝᥰ ᥞᥫᥭᥰ ᥘᥩᥰ.