Скачать или смотреть அரசு கள்ளர் பள்ளிகள் - முதுகலை, பட்டதாரி, இடைநிலை ஆசிரியர் பணியிடங்கள் - நிரப்பிட அரசாணை வெளியீடு

மிகப்பிற்படுத்தப்பட்டோர் மற்றும் சீர்மரபினர் நலன்அரசு கள்ளர் சீரமைப்புப் பள்ளிகளில் காலியாக உள்ள ஆசிரியர் பணியிடங்களை பள்ளி மேலாண்மைக் குழுவின் மூலம் தற்காலிமாக நிரப்பிட அனுமதி மற்றும் நிதி ஒப்பளிப்பு வழங்கி ஆணை வெளியிடப்படுகிறது.

மிகப்பிற்படுத்தப்பட்டோர் மற்றும் சீர்மரபினர் நல ஆணையரின் கருத்துரு மற்றும் உசிலம்பட்டி சட்டமன்ற உறுப்பினர், திரு.P.அய்யப்பன் அவர்களின் கோரிக்கை ஆகியவற்றை அரசு ஆய்வு செய்து அதனை ஏற்று அரசு கள்ளர் சீரமைப்புப் பள்ளிகளில் காலியாக உள்ள கீழ்க்கண்ட 24 முதுகலை ஆசிரியர்கள் மற்றும் 62 பட்டதாரி ஆசிரியர்கள் என மொத்தம் 86 பணியிடங்களை பதவி உயர்வு / ஆசிரியர் தேர்வு வாரியம் மூலம் பணிநாடுநர்களை தேர்வு செய்து நிரப்பப்படும் வரை தமிழ்நாடு அரசு பணியாளர்கள் (பணி நிபந்தனைகள்) சட்டம் 2016 பிரிவு 19-ன் படி முற்றிலும் தற்காலிகமாக கீழ்க்கண்ட நிபந்தனைகளின் அடிப்படையில் பள்ளி மேலாண்மைக் குழுவின் மூலம் நிரப்பிட மிகப்பிற்படுத்தப்பட்டோர் மற்றும் சீர்மரபினர் நல ஆணையருக்கு அனுமதி வழங்கியும், அவ்வாறு நிரப்பப்படும் பணியிடங்களுக்கு ஒரு ஆண்டுக்கு தொடர் செலவினமாக ரூ.1,63,44,000/- (ரூபாய் ஒரு கோடியே அறுபத்து மூன்று இலட்சத்து நாற்பத்து நான்காயிரம் மட்டும்) ஒப்பளிப்பு செய்தும், 2025-2026 ஆம் ஆண்டிற்கு மூன்று மாதங்களுக்கு (ஜனவரி 2026 முதல் மார்ச் 2026 வரை) செலவினமாக ரூ.40,86,000 (ரூபாய் நாற்பது இலட்சத்து எண்பத்து ஆறாயிரம் மட்டும்) நிதி ஒதுக்கீடு செய்தும் அரசு ஆணையிடுகிறது.