តើខែបួសរ៉ម៉ាឌនរបស់សាសនាឥស្លាមជាអ្វី? សាស្ត្រាចារ្យសាសនាឥស្លាម លោក មូសា អះម៉ាត់ ...

តើខែបួសរ៉ម៉ាឌនរបស់សាសនាឥស្លាមជាអ្វី? សាស្ត្រាចារ្យសាសនាឥស្លាម លោក មូសា អះម៉ាត់ ពន្យល់អត្ថន័យ នៃពិធីបុណ្យរ៉ម៉ាឌននេះ (Video inside)

(ភ្នំពេញ)៖ សាស្ត្រាចារ្យសាសនាឥស្លាម លោក មូសា អះម៉ាត់ ដែលបានបញ្ចប់ការសិក្សាពីប្រទេសអារ៉ាប៊ី សាអ៊ូឌីត បានពន្យល់លម្អិតជុំវិញអត្ថន័យបុណ្យខែ «រ៉ម៉ាឌន» ឬហៅកាត់ថា «ខែបួស» ខណៈដែលការបួសនេះ ត្រូវបានសាសនិកឥស្លាមគ្រប់អាយុ និងគ្រប់លក្ខខណ្ឌទូទាំងពិភពលោក ប្រតិបត្តិបួសរយៈពេលពេញមួយខែ។

«បុណ្យខែរ៉ម៉ាឌន» ជាពិធីបុណ្យធំមួយក្នុងសាសនាឥស្លាម នៃខែទី៩ នៃប្រតិទិនសាសនាឥស្លាម ដែលត្រូវបានប្រារព្ធធ្វើឡើងជារៀងរាល់ឆ្នាំនៅទូទាំងពិភពលោក សម្រាប់អនុវត្តន៍ឱ្យបានខ្ចាប់ខ្ចួន ខណៈខែនេះគេនឹងប្រារព្វបួសនៅថ្ងៃទី២៤ ខែមេសា ឆ្នាំ២០២០។

ការបួសក្នុងសាសនាឥស្លាម ជាកាតព្វកិច្ចដែលព្រះជាម្ចាស់អល់ឡោះ បានដាក់កាតព្វកិច្ចទៅលើសាសនិកឥស្លាម ត្រូវអនុវត្តន៍ឱ្យបានល្អប្រសើរ ដូចដែលព្យាការីមូហាំម៉ាត់បានមានប្រសាសន៍មកថា «សាសនាឥស្លាម ត្រូវបានគេស្ថាបនាឡើងដោយ ៥ប្រការ ហើយមួយក្នុងចំណោម ៥ប្រការនោះហើយ គឺបួសក្នុងខែរ៉ម៉ាឌន»។

សាសនាឥស្លាមត្រូវបានគេស្ថាបនាឡើងដោយ ៥ប្រការរួមមាន៖

*ទី១៖ ទទួលស្គាល់ថា ព្រះអល់ឡោះជាព្រះជាម្ចាស់ ហើយមូហាំម៉ាត់ជាព្យាការី ឬអ្នកនាំសាររបស់ព្រះ
*ទី២៖ ការបញ្ឈរការថ្វាយបង្គំមួយថ្ងៃមួយយប់ ៥ដង
*ទី៣៖ បរិច្ចាគទ្រព្យសម្បត្តិដូចជាលុយកាក់ ម្ហូបអាហារជាដើម ទៅឲ្យអ្នកក្រីក្រ ក្មេងកំព្រា ជនគ្មានទីពឹង ជនខ្សត់ខ្សោយជាដើម
*ទី៤៖ បួសក្នុងខែរ៉ម៉ាឌន
*ទី៥៖ ការបំពេញហាជ្ជី ឬធម្មយាត្រា តាមសាសនាឥស្លាមនៅទីក្រុងម៉ាក់កះ ប្រទេសអារ៉ាប៊ីសាអូឌីត (សម្រាប់អ្នកដែលមានលទ្ធភាព និងសមត្ថភាព)។

តើបុណ្យខែរ៉ម៉ាឌនមានអត្ថន័យបែបណា? តើសាសនិកឥស្លាមនឹងទទួលបានអ្វីខ្លះពីបុណ្យមួយនេះ?

លោកសាស្ត្រាចារ្យ មូសា អះម៉ាត់ បានពន្យល់លម្អិតជាមួយអ្នកយកព័ត៌មាន Fresh News លោក ស្លាយម៉ាន ហ្វាន់ទី ដែលមានអត្ថន័យដូចខាងក្រោមនេះ៖

ទូរទស្សន៍ព័ត៌មាន Fresh News ផ្សាយគ្របដណ្តប់ទូទាំងប្រទេសតាមរយៈផ្កាយរណប និងខ្សែកាប PPCTV ប៉ុស្តិ៍ 76, DTV ប៉ុស្តិ៍ 19, SkyOne ប៉ុស្តិ៍ 47, One TV ប៉ុស្តិ៍ 18, CCTV ប៉ុស្តិ៍ 37 និងទូរទស្សន៍ខ្សែកាប ២៥រាជធានី-ខេត្ត និងផ្សាយព័ត៌មានថ្មីៗចុងក្រោយតាមប្រព័ន្ធ App, Website, TV Channel, Radio, YouTube, Facebook, English, Chinese, Telegram.