කෙට්ටු අයට මහත් වෙන්න මෙන්න සුපිරි ක්‍රම | trending one | storeape | Wishmakarma

කෙට්ටු අයට මහත් වෙන්න මෙන්න සුපිරි ක්‍රම | trending one | storeape | #Wishmakarma
#storeape
#කෙට්ටුඅයටමහත්වෙන්න

අද ගොඩක් අයට තියෙන ප්‍රශ්නයක් තමයි තරබාරු සිරුර අඩු කර ගන්නේ කොහොමද කියන එක. හැබැයි ඔය අතරේ ඉන්නවා කොච්චර කෑවත් මහත් වෙන්නේ නැහැ කියලා නාහෙන් අඬන අය. අන්න ඒ අයට තමයි අපි අද මේ Article එක ලියන්නේ. සමහරු ඉන්නවා බඩජාරිකමට කනවා කනවා ඉවරයකුත් නෑ මහත් වෙන්නෙත් නෑ. ඉතින් කියන්න හදන්නේ කැහුටු කෙල්ලන්ට කොල්ලන්ට මහත් වෙන්න පුළුවන් ක්‍රම කිහිපයක් ගැනයි.

කෑම කන විට මේ ගැන හිතන්න

කෑම කන්න කලින් වතුර බොන්න එපා. ඒ වගේම දවසේ තුන් වේලට පුළුවන් තරම් පිෂ්ඨමය ආහාර එකතු කරගන්න උත්සාහ කරන්න. අඩුම වේල් දෙකකටවත් බිත්තර දෙකක් කනවා නම් හොඳයි. ඊට අමතරව කෑම වේලට ආමන්ඩ්, රටඉඳි වගේ දේවල් එකතු කරගන්න. කෑම කන වෙලාවට මුලින්ම ප්‍රෝටීන බහුල ආහාරවලට අවධානය දෙන්න. එළවළු ටික අවසානයට කන්න.

2.නින්ද

සැපට නිදාගද්දී ලෙප්ටින් කියන හෝර්මෝනය නිපදවෙනවා. හැබැයි අඩු නින්දක් ගන්නවා නම් එම හෝර්මෝනය නිපදවෙන්නේ නැහැ . එවිට ලෙප්ටින් අඩුවෙන් නිපදවෙනවා. ලෙප්ටින් කියන්නේ ආහාර රුචිය සම්බන්ධ හෝර්මෝනයක්. අඩු නින්දේ දී අඩුවෙන් නිපදවෙන ලෙප්ටින් නිසා උදේ නැගිටිද්දී හොඳටම බඩගිනි වෙනවා. ඒ නිසා පුළුවන් තරම් ඔයා පැය 7,8කවත් නින්දක් ලබා ගන්න.

3. කිරි ආහාර

ඔබ පුළුවන් තරම් කිරි ආශ්‍රිතව නිෂ්පාදන පරිභෝජනයට හුරුවෙන්න. කිරි, චීස්, බටර් වගේ දේවල් ආහාරයට එකතු කර ගැනීම ගොඩක් වටිනවා. විශේෂයෙන්ම බටර්. ඊට අමතරව මිල්ක්ෂේක් බොන එකෙනුත් මහත් වෙනවා.

4. ව්‍යායාම

ව්‍යායාම කරන්නේ ශරීරයේ බර අඩු කරගන්න කියලා හිතනවා නම් ඒක වැරදි දෙයක්. ව්‍යායාම කරන්නේ ශරීරය මනාව පවත්වාගෙන යන්නයි. හැබැයි මතක ඇතිව ජිම් යනවා නම් විශේෂයෙන් මේ ගැන පුහුණුකරුවෙක් එක්ක කතා කරලා ඔහුගේ අධීක්ෂණය යටතේ ව්‍යායාම කරන්න. ගෙදර ඉඳන් කරනවා නම් Pushups සහ Squats හොඳයි. හැබැයි නිසියාකාරව මේ දේවල් දැනගන්න කරන්න. ඒ වගේම ව්‍යායාම කරන්න පටන් ගන්න කලින් සහ පසුව ආහාර වේල් දෙකක් ගන්න ඕන.

5. පළතුරු යුෂ

පළතුරු නිකන්ම ආහාරයට ගන්නවට වඩා පළතුරු යුෂ බොනකොට ෆෘක්ටෝස් ගතිය වැඩියි.ඒ නිසා මිදි යුෂ, ඇපල් යුෂ, දොඩම් යුෂ වගේ යුෂ වර්ග බොන්න පුරුදු වෙන්න. ඒවායේ සීනි සහ කැලරි ප්‍රමාණයත් වැඩි වුණාට ඔබට මහත් වෙන්න උදව් කරනවා. හැබැයි පෝෂ්‍ය පදාර්ථ නිසියාකාරව ලැබෙන්නේ ස්මූතී වර්ගවලින්. බනානා, පීනට් බටර් වගේ ස්මූතී වර්ග ගොඩක් හොඳයි.

6. රටඉඳි

රටඉඳි කියන්නේ මහත් වෙන්න ආස අයට සුපිරි කෑමක්. දවසට රටඉඳි පහක් හයක් කෑවම හොඳටම ඇති. නිකන්ම කනවට වඩා බටර්, කිරි නැත්නම් පීනට් බටර් එක්ක කන්න. එමඟින් ඔබට ඉක්මන් ප්‍රතිපල ලබා ගන්න පුළුවන්. රටඉඳි සීනි සහ කැලරිවලින් බහුල ආහාරයක්.