Скачать или смотреть اتركوني للبراد ونسانيس الهبوب | برق الوسم | عيضه الثبيتي & مهنا العتيبي | حصرياً 2024

لاح برق الوسم والغيث مقبل من جنوب
قبله انسام الذواري يذعذع نودها

اتركوني للبراد ونسانيس الهبوب
والمزون اللّي هبوب النسيم تقودها

الطيور تلاعب الريح و الغيمه تذوب
بين برّاق المزون و رزيم رعودها

في مداهيل اشقر الريش والريم اللعوب
الديار اللي تنوش السحاب حيودها

سجةٍ تبري همومٍ تلوب الصدر لوب
مع مطانيخٍ تعزوا بروس جدودها

كل ما شمس العصر هايفت يم الغروب
نارهم من كبرها مايدخّن عودها

ياخوياي الفكر مشغول ودروبه دروب
اسمحولي ساعةٍ وحدّه ماعودها

ودّي اصخر لي قصيده وانا راسي طروب
للبيوت اللّي تعدّا الحدود حدودها

قام ينخاني عتيبي من نظاف القلوب
والنشاما يطبخ دمّها فكبودها

الردي رفقته خيبه وذنب من الذنوب
والكفو يذخر لبيض الليال وسودها

احتزم بي يابن هديب وتمون وتنوب
والوعد في ليلةٍ فايحٍ كمبودها

الرجال اهل الوفا مالفوا من كل صوب
غير قدر الابّه اللي تحفظ عهودها

وانت يايحيى ابن عبدالله وجوبك وجوب
راس من قومٍ تقادح شرار زنودها

انسف المشلح وراسك يكمّل كل نوب
سمعتك غرّا و روس الرجال شهودها

طيبك اليا فاح ياصل ليا بيض النصوب
والجميله ماتدوّر على مردودها

ذاخرك شيخٍ ليا راحت الدعوه شبوب
الامور الكايده قدها وقدودها

حي عبدالله بن هدّيب والاسم محسوب
من شيوخٍ فالطلب ماتلين عضودها

الوفا والطيب والجود والصدر الرحوب
واعذاب الفاطر اللي قضب مفرودها

من كرمه اْيبرّك الحشو فوق ام العصوب
جعلها ماتكسر اْيمين هذا جودها

عزوة الاد المقاطي مجرّيت الهيوب
كل ماتبرم عقدها تحل عقودها

مقدم عتيبه لا راحت مداحم بالجنوب
عزوة ٍ وقت الله الله مايوخذ ذودها

مفحمت روس الرجال ومسمّرت الكعوب
يوم نار المعركة يشتعل بارودها

يكسبون ونعم بالطيب والا بالغصوب
دون كلمة والنعم ماش علم يكودها

مايجيهم نقص لو البحر موجه يروب
والبحر لو ماج موجه ماغطّى زودها



عيضه الثبيتي