Скачать или смотреть NALINAKSHA NEEKU /నలినాక్ష నీకు నమస్కరించిన / AAV SERIES 04 EP 358 / VANI JAIRAM / SUDDHA SAVERI

🌺🍃 ---------------- 🍃🌺

అన్నమయ్య అక్షరవేదం ..సంపుటి -- 358

( నలినాక్ష నీకు నమస్కరించిన ... )

🌺🍃 ---------------- 🍃🌺

ఓం నమో వేంకటేశాయ. 🙏
అన్నమయ్య అక్షర వేదం ..సంపుటి -- 358 కి శుభ స్వాగతం ..🙏

ప్రార్థన ః--🌹🙏

సమయంబంతయు రక్షగ
మముగాచెడి నీదు నామమహిమును బొగడం-
గమలోద్భవనుకిఁ దరమా ,
విమలహృదయ ? తరముగాదు వేల్పులెవరికిన్ !

🌹🙏🌹

✍️ స్వీయ పద్యము ( కందము )


🌹🌹

అన్ని సమయాలలోనూ మాకు రక్షగా నిలిచే ,
నీ నామమహిమను పొగడుట ఆ బ్రహ్మకైనా తరమా ?🙏

ఓ పవిత్ర హృదయా ! ఎవరి తరమూ కాదు !
అసలు ఏ దేవతలకూ సాధ్యము కాదు అంతే !🙏

🌹🙏🌹

🌺🍃 ---------------- 🍃🌺

అన్నమాచార్యులవారు ఆ కమలలోచనుడైన శ్రీహరి నామము యొక్క మహిమను పొగడుట ఎవ్వరి వలనా సాధ్యము కాదు ,అని అతిశయమును తెలుపుచూ ,
ఆ నామము వల్లన మనకు ఎంత మేలు కలుగుచున్నదో వివరించారు బహు చక్కగా .🙏

మరి ఆ అద్భుతమగు కీర్తన అర్థము తెలుసుకుని పాడుకుందామా .👇

🌺🍃 ---------------- 🍃🌺

🌹🌹

తామరల వంటి కన్నులు గల చల్లని చూపుల వాడా ,
నీకు చిత్తశుద్ధితో నమస్కరించుకోవటము వలన మేము పొందే ఫలములనూ ,శుభములనూ వివరించి పొగడుటకు ఆ బ్రహ్మకైనా సాధ్యమా ?🙏

అవి మామూలు శుభములా చెప్పు !!
ఇదిగో ఇలా మమ్మల్ని ఉద్ధరిస్తున్నదయ్యా నీ నామ మహిమ ! వినుము స్వామీ !!🙏

🌹🌹

ఎప్పటినుంచో మేము చేసిన తప్పులను కూడా ప్రక్కకు త్రోసేసి , మా అపచారములనన్నిటినీ క్షమించి వేయుచున్నది నీ నామము .🙏

ఆ నామమును ధ్యానించిన కారణము చేతనే మా లోని
గర్వము , మదము , అనే మాలిన్యాలను తుడిచి పెట్టేసి ,
ఇక మమ్ములను చక్కనైన త్రోవలో నడిపించుచున్నది నీ నామము .🙏

🌹🌹

పూర్వపు దోషములనే కాదు , ఇప్పుడు నేడు మేము తెలియక చేసే నేరాలను కూడా అణచి వేయుచున్నది ,
నిత్యమూ కర్మ బద్ధులమై తాపముతో ఉన్న ఈ బంధనాలను ఒక్కొక్కటిగా విడిపించున్నది నీ నామము .🙏

పదునుగా మా మనస్సులను గుచ్చుతున్న బాధలన్నీ ,
ఇట్టే అవలీలగా నివారించుచున్నదయ్యా నీ నామము .🙏

నీ నామము అనే నాడిని బాగుగా తెలుసుకుని పట్టుకున్నాము గనుకనే ఇవి యన్నీ సాధ్యమౌచున్నవి.🙏

🌹🌹

నీ నామమే మాకు తోడుగా ఉండి , మాతో పాటు ఇవ్వలవ్వల సౌభాగ్యములనన్నియూ అందజేయుచున్నది .🙏

మాకు అనుకూలించి శుభములనూ ,విజయములనూ ఒసగుచున్నది .🙏

ఇంపుగా ఓ శ్రీ వేంకటేశ్వరా ఇదిగోనయ్యా నీ నామము మాతో స్నేహపూర్వకముగా ఉంటూ , అతి సుకుమారముగా మమ్ములను చూచుకొనుచూ రక్షించుచున్నది .🙏

నీ నామమును ఎన్నటికీ విడువబోము శ్రీ వేంకటేశ్వరా !🙏

🌹🙏🌹

ఓమ్ శ్రీ అలమేలుమంగా సమేత శ్రీ వేంకటేశ్వర స్వామినే నమః !🙏

తాత్పర్య సహిత దృశ్య మాలికగా మీకు అందించాలన్న నా చిన్న ప్రయత్నమును ఆశీర్వదిస్తారని ఆశిస్తూ..🙏
దోషములున్న...మన్నించమని విన్నపము... 🙏

( అన్నమయ్య అక్షర వేదం --- సంపుటి 358)

✍️ -- వేణుగోపాల్ యెల్లేపెద్ది 🙏

🌹🌹 సంకీర్తన 🌹🌹


॥పల్లవి॥

నలినాక్ష నీకు నమస్కరించిన-
ఫలము వొగడ నిఁక బ్రహ్మకు వశమా

॥చ1॥

పూర్వదోషములఁ బోఁదోలి మఱియు
సర్వాపచారము క్షమియించి
గర్విత మదముల కసటు వాపి నను
నిర్వహించె నిదె నీనామము

॥చ2॥

నేఁడునుఁ జేసిన నేరము లణఁచి
వేఁడి కర్మముల విడిపించి
వాఁడి దుఃఖముల పడిఁ బరిహరించె
నాఁ డెఱఁగఁగ నీ నామము

॥చ3॥

ఉమ్మడి సుఖముల నొనరించీ మాకు
సమ్మతి శుభములు జయమొసఁగీ
యిమ్ముల శ్రీవేంకటేశ్వర యిదివో
నెమ్మది రక్షించె నీనామము

🌹🙏🌹🙏🌹

#NALINAKSHANEEKU #నలినాక్షనీకు #vanijairam #vanijayaramsongs #vanijayaram
#అన్నమయ్యకీర్తనలు #annamacharya #annamacharyakeerthanalu #annamayya #annamayyaaksharavedam #annamayyasongs #అన్నమయ్య #అన్నమాచార్య #annamayyakeerthanalu #annamayyakeerthana