Скачать или смотреть सुनसरीको ६४ विघा पर्यटकीय गन्तव्यका रुपमा विकसित हुँदै - NEWS24 TV

सुनसरीको रामधुनी नगरपालिका स्थित ६४ विघा पर्यटकीय गन्तव्यका रुपमा विकसित हुँदै गएको छ । ठूलो सिमसार क्षेत्र, बनजंगल तथा जंगल क्षेत्रमा निस्कने पानीको मुललाई संरक्षण गरी तालको रुपमा विकसित गरिएपछि अहिले आन्तरिक तथा बाह्य पर्यटकहरुको लागि ६४ विघा आकर्षणको केन्द्र बन्दैछ । भुलभुलैयाबाट निस्कने पानीलाई संरक्षण गरी राष्ट्रिय संरक्षण ताल बनाइएको छ । सुनसरी सामुदायिक वन उपभोक्ता समितिको वन क्षेत्रमा विभिन्न संरचनाहरु बनाएर आन्तरिक तथा बाह्य पर्यटकहरुलाई आकर्षित गर्ने गरी काम भईरहेको छ । पर्यटकीय क्षेत्रको रुपमा विकास गर्ने क्रममा ईमान सिंह चेम्जोङ्ग पार्कको नाम दिएर निर्माण भई रहेको यस क्षेत्रमा आन्तरिक पर्यटकहरु आउने क्रम सुरु भएको पार्क समितिका उपाध्यक्ष एवम परिकल्पनाकार शशी राईको भनाई छ । यस क्षेत्रमा ताल निर्माण गर्ने कार्य देखि विभिन्न टहराहरु निर्माण गरिदै छ । ६४ बिगाह अहिले साइक्लिङ्ग गर्नेहरुको गन्तव्य समेत बनेको छ । धरानदेखि यस क्षेत्रसम्म जंगल भित्रको बाटो प्रयोग गर्दा २० मिनेटको साइक्लिङ्ग यात्रा रहने बताइएको छ । ६४ बिगाह प्रदेश १ को पर्यटकीय स्थलको निकै राम्रो सम्भावना बोकेको ठाँउ भएकाले यसको संरक्षण र बिकासमा अझ बढी ध्यान दिनु पर्ने पर्यटकहरुको सुझाव छ ।
यस ताल क्षेत्रमा परम्परागत डुंगा तथा पाईडलवाला दुई दुई डुंगाहरु सञ्चालनमा रहेका छन । पार्क समितिले तिनवटा तालको पानीबाट विद्युत उत्पादन गर्ने समेत बताएको छ । प्रशस्त सम्भावना बोकेको क्षेत्र भएपनि प्रचारप्रसारको अभावमा अपेक्षाकृत रुपमा पर्यटकहरु नआएको गुनासो समितिको छ ।

SUBSCRIBE :   / news24tvchannel  
WEBSITE : WWW.NEWS24NEPAL.TV