الجفراني كلمات

من #الارشيف
كلماتي وأداء #الجفراني
الحمد لله هذي الشيلة حققت انتشار واسع
ونسبة مشاهدات عالية في اكثر من قناة

وهذي الابيات كتابة👇🏻

للنصر والعز روسٍ مواقفها تنوف
تدرك الناموس والعز تسعى في نحاه

وانت يبن الملتفت ب النواميس امعروف
واسمك ايعز القبيله مع العالم نباه

ما تقدّم ف الوعد كون كاملت الوصوف
ندرٍن على النواميس ترهي من رهاه

مثل عفاسه عسى الله يكفيها الصدوف
واشهدٍ القوم عقب الفعايل له طراه

جابت النيسان وعيون خلق الله تشوف
وقفت ابلول وميقافها كلٍ يراه

والخصيم اللي على غلبها عنده اشفوف
احرقت كبده وردّت السانه في جماه

وقبلو ربعي جنبها يشلون الصفوف
جمع قومٍ يكسب العز في كل اتجاه

مجدنا مثبوت وموثقٍ مافيه زوف
ون تهقوينا وردنا مع الروس الدهاه

التمدح ف السعه حيلة الناس الضعوف
حيلة اللي لا نوا ما وصل شيٍ نواه

وَذَا السنه عفاسة الغير لول ما تشوف
تبغي اتجدد لها ماضيٍ محدٍ نساه

جات كنها اتقول قبل النصر ما به نكوف
لين تاتي ب الوشاح وتعومس من بغاه

من طمع في شوطها جنّب وجا فيه خوف
من يماري ف السعه ف اللقا عوّد وراه

ماله إلى من حضر كون (شوف وحر جوف)
لا احضرت بحضورها دمرت شيٍ هقاه

ياهل الفردي نصيحه عليكم لا تطوف
ايتجنّب دربها من بغا درب النجاه

جابها قرمٍ اسنافي ونادر ومعروف
سالم ابن الملتفت طوّل الله في بقاه

ترثت اللي تامن البل بهم في كل خوف
ون طمعها طامعٍ صار عِبره ل اخوياه

من (بني عازب)هل البل امخضبت السيوف
لابتن تاريخنا ب الفخر يسمع صداه

حن حمات البل وحن ستر نقاش الكفوف
ومزبن اللي حدّه الخوف والخصم ايحداه

لا اعتلينا فوق خيلٍ تحوف القوم حوف
يتقي منّا عقيد السرايا ف امحجاه

من رجالٍ تنطح الضد وتفضّ الصفوف
(ال فهيده) والفعايل تناقلها الرواه

اسمنا له هيبه ومن فعلنا فيه نوف
روس صبيان ال مره مطوعت العصاه

#حنظل_الملتفت_المري
#عبدالله_ال_مخلص #عبدالله_المخلص
#غريب_ال_مخلص #غريب_المخلص
#صوت_يام ناجي بن باصم
#صالح_الكليب #صالح_ال_كليب صالح الكليب
#الجفراني #جفران_بن_هضبان #فهد_بن_فصلا
فهد بن فصلا #شبل_الدواسر شبل الدواسر
#حمد_الطويل ناصر الطويل #شيلات #شيله
حماس #محمد_بن_غرمان محمد بن غرمان
#مبارك_الدوسري #خالد_البريك