HG: Jaý nobatyna garaşýan raýatlar jaýlaryň para berenlere nobatsyz satylýandygyny aýdýarlar

Şu günki programmamyzda:

- Türkmenistanda pensionerleriň adyna banklar tarapyndan pul karzlarynyň galplaşdyrylmagy barada habarlar gelip gowuşýar. Bu barada “Türkmenistanyň hronikasy” we Azatlyk Radiosynyň habarçysy maglumat berýär.

- Aşgabatly ýaşaýjylaryň ençemesi özleriniň 10 ýyla golaý wagt bäri etrap häkimliklerinde ýaşaýyş jaý nobatyna durandygyna garamazdan, ýeňillikli ipoteka esasynda öý satyn alyp bilmeýändigini aýdýar. Şol bir wagtda, olar ýüzlerçe müň manat möçberinde para beren raýatlaryň ýaşaýyş jaýlaryny nobatsyz satyn alyp bilýändigini belleýärler. Bu ýagdaýlar barada Azatlyk Radiosynyň habarçysy 25-nji iýunda paýtagtdan maglumat berdi.

- Şu günler Mary welaýatynda Polisiýanyň ýol gözegçiligi gullugynyň işgärleri köçe-ýol hereketiniň düzgünleriniň berjaý edilmegine gözegçiligi güýçlendirýärler. Sürüjiler polisiýa gözegçileriniň dürli bahanalar bilen özlerine yrsaraýandyklaryny, radio antennalaryny daşyna çykaran awtoulaglaryň jerime duralgalaryna äkidilmek howpy bilen ýüzbe-ýüz bolýandygyny aýdýarlar. Bu barada Azatlyk Radiosynyň habarçysy 24-nji iýunda maglumat berdi.

Habarlaşmak üçin:
• Whatsapp: +420 724 168 989 we +420 773 797 383
• Telegram: @Azathabar

#habarlar