Скачать или смотреть တိုက်ပွဲပြင်းထန်နေတဲ့ လေးမျက်နှာမြို့နယ်ကို စစ်တပ် အင်အားထပ်ဖြည့် | People's Spring

တိုက်ပွဲပြင်းထန်နေတဲ့ လေးမျက်နှာမြို့နယ်ကို စစ်တပ် အင်အားထပ်ဖြည့်

နိုဝင်ဘာ-၇၊ ၂၀၂၅။ People's Spring

ဧရာဝတီတိုင်းက ရေကြည် နဲ့ လေးမျက်နှာမြို့နယ်စပ်မှာ စစ်ကောင်စီတပ်နဲ့ အာရက္ခတပ်‌တော်(AA)တိုက်ပွဲတွေ ဆက်လက်ပြင်းထန်နေပြီး စစ်တပ်က ဟင်္သာတမြို့ဘက်ကနေ အင်အားဖြည့်နေပါတယ်။

စစ်မှုထမ်းသင်တန်းဆင်း‌တွေကို ဟင်္သာတ-တလုထ္ထော်လမ်းကနေ စစ်ကားတွေနဲ့ ပို့နေတာလို့ ဟင်္သာတမြို့၊ ချောင်းပြား‌လေးရွာဒေသခံတစ်ဦးက ပြောပါတယ်။ မနက်စောစောပိုင်းတွေမှာ စစ်ကားတွေနေ့‌တိုင်းသွားနေပြီး အမိုးတွေ အုပ်ထားတယ်လို့ သူက ဆက်ပြောပါတယ်။ ချောင်းပြား‌လေးကျေးရွာဟာ ဟင်္သာတ-တလုထ္ထော်လမ်းဘေးမှာရှိတာပါ။

တိုက်ပွဲဖြစ်ပွားနေတဲ့နေရာတွေကို စစ်တပ်က လေကြောင်းကနေ ဗုံးကြဲနေသလို ကားလမ်းကနေလည်း စစ်အင်အားတွေ ပို့ဆောင်နေတာဖြစ်ပါတယ်။

ရေကြည်နဲ့ လေးမျက်နှာမြို့နယ်အစပ်က စက်စက်ယိုကျေးရွာနဲ့ ပတ်ဝန်းကျင်နေရာတွေမှာ ပြီးခဲ့တဲ့စက်တင်ဘာလကတည်းက တိုက်ပွဲတွေဖြစ်ခဲ့ပြီး နိုဝင်ဘာ ၆ရက် မနေ့ကအထိလည်း တိုက်ပွဲတွေ ပြင်းထန်နေတယ်လို့ စစ်ဘေးရှောင်တွေက ပြောပါတယ်။

လေးမျက်နှာမြို့နယ်ဟာ ဧရာဝတီတိုင်းထဲက ဟင်္သာတ၊ အင်္ဂပူ၊ ရေကြည်၊ရခိုင်ပြည်နယ်နဲ့လည်း ဆက်စပ်နေပါတယ်။ ဟင်္သာတခရိုင်၊ ကွင်းကောက်မြို့မှာရှိတဲ့ စစ်ကောင်စီတန်းမြင့်လေ့ကျင်းရေးကျောင်း တတက(၅)နဲ့လည်း မိုင်အနည်းငယ်သာဝေးပါတယ်။ အခုရက်ပိုင်းမှာ တတက(၅)ကို အင်အားအများအပြားဖြည့်းတင်းနေသလို အဲဒီကနေလက်နက်ကြီးတွေ ပစ်ခတ်မှုပိုမိုများပြားလာတယ်လို့ သိရပါတယ်။

ဒါ့အပြင် အောက်တိုဘာ ၂၉ရက်ကစပြီး စစ်ကောင်စီတပ်က စစ်တပ်သုံးSpy Balloonတွေနဲ့ ကင်းထောက်တာတွေ့တယ်လို့ ဒေသခံတွေက ပြောပါတယ်။

စက်စက်ယိုကျေးရွာအပါအဝင် လေးမျက်နှာမြို့နယ်ထဲက စစ်တပ်စခန်းတချို့ကို AA နဲ့ ပူးပေါင်းတပ်တွေက သိမ်းယူထားတာဖြစ်ပြီး စစ်တပ်က တန်ပြန် စစ်ရေးလှုပ်ရှားလာလို့ တိုက်ပွဲတွေပြင်းထန်နေတာဖြစ်ပါတယ်။

တိုက်ပွဲတွေကြောင့် စစ်ဘေးရှောင်ပြည်သူငါးထောင်ကျော်ရှိနေပြီး အကူအညီတွေပေးကြဖို့အတွက် ဧရာဝတီတိုင်းထဲက အရပ်ဖက်လူမှုကူညီရေးလုပ်ဆောင်သူတွေက တောင်းဆိုထားပါတယ်။

ပြီးခဲ့တဲ့သြဂုတ်လထဲမှာတော့ ဒေသခံစစ်ရှောင်တွေကို နေရပ်ကိုပြန်ဖို့ စစ်ကောင်စီက ဖိအားပေးပြီး တချိန်တည်းမှာ မြေပြင်စစ်ကြောင်းတွေ၊ လေကြောင်းနဲ့လက်နက်ကြီး အင်အားတွေနဲ့ တန်ပြန်ထိုးစစ်စတင်ခဲ့တာပါ။ ဒါပေမဲ့ စစ်ကောင်စီ သေဆုံးမှုများပြီး တိုက်ပွဲတွေ နေ့စဉ်ဖြစ်ပွားခဲ့သလို လေကြောင်းကနေလည်း နေ့စဉ်နီးပါး ဗုံးကြဲနေခဲ့တာပါ။

တိုက်ပွဲတွေထဲမှာ အထိနာနေတဲ့ စစ်တပ်က အရပ်သားပြည်သူတွေရှိတဲ့ ကျေးရွာတွေကို ပစ်မှတ်ထားပြီး လေကြောင်းကနေတိုက်ခိုက်နေတယ်လို့လည်း ဒေသခံတွေက ပြောပါတယ်။

ပြီးခဲ့တဲ့အောက်တိုဘာ၂၃ရက်က လေးမျက်နှာမြို့နယ်၊ စပြင်ကျေးရွာကို စစ်တပ်က လေကြောင်းကနေ ဗုံးကြဲလို့ အရပ်သား ၂၄ ဦးထက်မနည်း သေဆုံးခဲ့ကြောင်း AYAPDF အမှတ်-၂၉ဗျူဟာက ထုတ်ပြန်ထားပါတယ်။

𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴

  / subscribe  
𝗬𝗼𝘂𝗧𝘂𝗯𝗲 -    / @peoplespring  
𝗙𝗮𝗰𝗲𝗯𝗼𝗼𝗸 -   / ludunwayoo  
𝗪𝗲𝗯𝘀𝗶𝘁𝗲 - https://www.ludunwayoo.com/
𝗧𝗲𝗹𝗲𝗴𝗿𝗮𝗺 - https://t.me/peoplespring

#ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA