Скачать или смотреть wala ali paharadima sigiriya බිරිද බලා සිටියදී අලියා හංගේරියානු ජාතික සංචාරකයා ගේ හුස්ම නවතයි

(දඹුල්ල කාංචන කුමාර ආරියදාස )

2026.02.17

බිරිද බලා සිටියදී වන අලියා හංගේරියානු ජාතික මහාචාර්ය වරයෙකු ගේ හුස්ම නවතයි
අනතුර ගැන කියුවත් අවධාණය නැත , ගම්මු කියයි

සීගිරිය පිදුරංගල ප්‍රදේශයේදී 16 වන දින අලියෙකුගේ පහරදීමකින් විදේශිකයකු ජීවිතක්ෂයට පත්ව ඇතැයි සීගිරිය පොලිසිය කියයි.
මෙසේ ජීවිතක්ෂයට පත්ව ඇත්තේ මෙරටට සංචාරය සඳහා පැමිණ සිටි හංගේරියානු ජාතික මහාචාර්ය වරයෙකු වන ජෝ ඇන්ටෙන් 67හැවිරිදි පුද්ගලයෙකි

අනතුර සිදුවීමත් සමඟ ප්‍රදේශවාසීන් වන අලියා පලවා හැර විදේශීය සංචාරකයා ත්‍රීරෝද රථයකින් මධ්‍යම සංස්කෘතික අරමුදල කාර්යාලය ඉදිරිපිට සංචාරකයන් වෙනුවෙන් යොදවා තිබුණු ගිලන් රථය ලගට රැගෙන ගියද එහි රියදුරු නොමැති බව පැවසීමත් සමග ත්‍රිරෝද රථයෙන්ම සීගිරිය ග්‍රාමීය රෝහලට රැගෙන ගිය බව ජනතාව පෙන්වා දෙති.
බිරිද හා සැමියා සමග සීගිරිය පිදුරංගල නරඹා නැවත සංචාරක හෝටලයට පා ගමනින් යන අතරතුර වන අලින් නිතර ගැවසෙන ස්ථානයක් බවට අනතුරු සහිත දැන්විම්පුවරුවක් සවිකොට ඇති ස්ථානයක මෙම අනතුර සිදුවී තිබෙන බව පොලිසිය කියයි.
අවස්ථා ගණනාවක සීගිරිය පිදුරංගල ප්‍රදේශයේ වන අලින්ගෙන් සංචාරකයන්ට මෙන්ම ප්‍රදේශවාසීන්ට හානි සිදුවන බව දැනුවත් කලද අවධානය යොමු නොවූ නිසා මෙම අනතුර සිදුවූ බව ඔවුහු පෙන්වා දෙති.

17උදැසන වන විටත් විදේශීය සංචාරකයන් බොහෝ දෙනෙකු මෙම මාර්ගයේ අවදානම සහිතව ගමන් කරමින් සිටින බවද ඔවුහු පෙන්වා දෙති

මෙම ස්ථානයට පැමිණ සිටි විදේශීය සංචාරක යුවළක් සඳහන් කළේ අවදානම් සහිත ස්ථානවල මීට වඩා වැඩි සැලකිල්ලක් දැක්වීම රජයේ අවධානය යොමු කළ යුතු බවය.
මියගිය සංචාරකයා ගේ හදිසි මරණ පරීක්ෂණය 17 දින දඹුල්ල රෝහලේදී පවත්වනු ලබන අතර සිගිරිය පොලිසිය පරීක්ෂණ පවත්වති .