Скачать или смотреть Full Storyline 29 | ប្រវត្តិថាមពលនុយក្លេអ៊ែរ

ប្រវត្តិថាមពលនុយក្លេអ៊ែរ

នេះជាប្រវត្តិសង្ខេបនៃថាមពលនុយក្លេអ៊ែរ
ជាទូទៅ, គេតែងតែនាំគ្នានិយាយថា អាល់ប៊ែរ អាញស្តាញ (Albert Einstein) គឺជាបិតានៃថាមពលនុយក្លេអ៊ែរ។ ក៏ប៉ុន្តែ អាញស្តាញ គ្រាន់តែជាចំណុចចាប់ផ្តើមមួយប៉ុណ្ណោះ។ ពីរូបមន្ត E=mc2 របស់ អាញស្តាញ រហូតមកដល់ការរកឃើញថាមពលនុយក្លេអ៊ែរ ទាំងនុយក្លេអ៊ែរស៊ីវិល និងនុយក្លេអ៊ែរយោធា គឺត្រូវឆ្លងកាត់ដំណាក់កាលជាច្រើន និងមានរបកគំហើញរបស់អ្នកប្រាជ្ញាល្បីៗជាច្រើនរូបទៀត។

នេះជាដំណើររឿងនៃគម្រោងផលិតអាវុធនុយក្លេអ៊ែរអាមេរិក
ក្រោយ​ពីអ្នកប្រាជ្ញអាល្លឺម៉ង់បានរកឃើញ​ប្រតិកម្ម​នុយក្លេអ៊ែរ ដោយ​ការបំបែក​អាតូម ឬ Nuclear Fission នៅចុងឆ្នាំ១៩៣៨, ដំណឹង​នេះ​បាន​រីកសាយភាយ​យ៉ាង​ឆាប់រហ័ស​ទៅ​កាន់សហគមន៍​អ្នក​វិទ្យាសាស្រ្ត​ផ្សេងទៀត ហើយវាបានបង្កើតជាក្តីបារម្ភថា របបដឹកនាំហ៊ីត្លែរអាចនឹងប្រើទ្រឹស្តីនេះ ទៅផលិតជាអាវុធនុយក្លេអ៊ែរ។ នៅក្នុងក្តីបារម្ភ​នេះហើយ ដែល អាល់ប៊ែរ អាញស្តាញ (Albert Einstein) បានចុះហត្ថលេខាលើលិខិតមួយ ផ្ញើទៅប្រធានាធិបតីអាមេរិក ជំរុញឱ្យបង្កើតគម្រោងផលិតអាវុធនុយក្លេអ៊ែរឱ្យបានមុនហ៊ីត្លែរ។