Скачать или смотреть Արջուտ բնակավայր․ հանքի ու աղբավայրի ազդակիրը

Արջուտում մարդիկ հիմնականում զբաղվում են գյուղատնտեսությամբ։ Խնդիրներն այստեղ շատ են՝ ներհամայնքային ճանապարհների վատ վիճակ, ոռոգման և խմելու ջրի ներքին ցանցերի խնդիր, գիշերային լուսավորության բացակայություն։ Բայց գյուղի համար առավել մտահոգիչ խնդիրներից է Արջուտում գտնվող աղբավայրը։ Աղբավայրը չի համապատասխանում որևէ սանիտարական նորմի, անընդհատ այրվում է։

Արջուտ բնակավայրը նաև կրում է Արջուտի ոսկու հանքավայրի շահագործման ազդեցությունը։

Չեխական «Առնիկա» կազմակերպության փորձագետները հայաստանյան գործընկերներ «Էկոլուր» տեղեկատվական ՀԿ-ի և «Համայնքային համախմբման և աջակցության կենտրոն» ՀԿ-ի հետ Արջուտում իրականացրել են շրջակա միջավայրի աղտոտվածության գնահատում։ Հավաքագրվել են փոշու և հավի ձվի փորձանմուշներ։ Հետազոտության նպատակն է պարզել աղտոտվածության մակարդակը և առաջարկել լուծումներ՝ ուղղված շրջակա միջավայրի աղտոտվածության նվազեցմանը և մարդու առողջության պահպանմանը։