Borowa MC feat. Mārtiņš Freimanis - Maņ navajag

Dziesma: «Maņ navajag» (latgaliešu dialektā)
Izpildītājs: «Borowa MC» ft. Mārtiņš Freimanis (07.02.1977. - 27.01.2011.)
Mūzika: Ingars Gusāns
Teksts: Aigars Runčis, I. Gusāns
Albums: «Trepis iz Nakurini»/«Borowa MC» -- MicRec © 2005

Izdzeits nu paradīzis,
Nasaprosts pi cylvākim,
Krytušais eņgeļs
Apkuort pasaulei kleist.

Dīnuos, kod leits
Nu dabasim leist,
Jis nasasliep zam kūkim
Voi leitussorgim malnim.

Izplieš rūkys, smejās,
Plaukstom iudini smeļās.
Pa varavīksni uzkuop
Leidz pošai saulei augšā.

Naktī verās iz mienesi
I apbreinoj skaistumu,
Kas te, iz zemis, volda.
Pi seve dūmoj i klusai dzīd!

Maņ navajag -- navajag...
Atsacer eņgeļs,
Kai reiz pasleidēja tam kuoja,
Īkryta jis dubļūs,
Ar muolim apsatraipēja.

Gribēja mozguotīs i atsagrīzt paradīzē,
Bet tī vairs napījāma jū.
Klauvēja pi cylvāku durovom,
Naktsmīru lyudze,
Bet tika izdzeits i nūraideits.

Tūmār prota jis izdzeivuot
Sirdī mīru saglobuot...
Tagad dzeivoj iz zemis,
Par kotru dīnu prīcojās,
Par tū ka saskateit
Kū cyti naredz, eņgeļs īsavuicēja.

Reiz pīduovuoja jam dabasi
Iz augšu atsagrīzt.
Tod engeļs pajautuoja,
Voi debesīs var just,
Kai viejs pa motim spielejās.

Nā, navar, bet te volda
myužeigs mīrs...
Eņgels pasmaideja i sauce,
Iz augšu golvu pacieļs..

Maņ navajag -- navajag...