Скачать или смотреть கிரகித்தல் பயில்வோம் - 07

பின்வரும் பந்தியை வாசித்து அதிலுள்ள சொற்களின் எண்ணிக்கை மூன்றிலொரு பங்காகுமாறு சுருக்கி எழுதுக. பொருத்தமான தலைப்பு ஒன்றினையுமிடுக. நீங்கள் எழுதிய சுருக்கத்தின் இறுதியில் சொற்களின் எண்ணிக்கையை குறிப்பிடுக.

நாட்டின் உணவுப்பாதுகாப்புப் பிரச்சனைகள் சாத்தியமான எதிர்கால அதிர்வுகளை எதிர்கொள்ளும் வகையில் உணவுப்பாதுகாப்பை உறுதி செய்வதற்கான குறுங்காலம் முதல் நீண்டகால உபாயங்களைக் கொண்ட ஒரு முழுமையான கொள்கை அணுகுமுறையுடன் தீர்க்கப்பட வேண்டும். வேளாண்மைத்துறையில் உற்பத்தித்திறன் மட்டத்தினை மேம்படுத்தும் அதேவேளையில், தீவிரமான நிகழ்வுகளின் போதும் கூட உணவு அணுகுவழியை ஆதரிக்கும் வகையில் குறிப்பாக டிஜிட்டல் தளங்கள் மற்றும் வறுமையான நபர்களை இலக்கிடும் வீட்டு விநியோக முறைகள் போன்ற நவீன தொழில்நுட்ப முறைமைகளினூடாக சந்தைப்படுத்தல் மற்றும் விநியோக முறைமைகளை மேம்படுத்துவதிலும் கொள்கை ரீதியாக கவனம் செலுத்தல் வேண்டும். மேலும், உலகளாவிய நோய்த்தொற்றின்போது தனியார் துறையினால் நுகர்வோர் சுரண்டல்கள் மற்றும் முறைகேடுகளைத் தடுப்பதற்குத் தேசிய அதிகாரிகளுக்கு மேலதிகமாக உள்ளுரதிகார சபைகளிடமிருந்து நிறுவன ரீதியான ஆதரவுடன் உணவு உற்பத்தித் தரவுத்தளங்கள் மற்றும் பொதுத்துறைப் பகிர்ந்தளிப்பு முறைமைகள் வலுப்படுத்தப்பட வேண்டும். மேலும், உணவுக் கேள்வி மற்றும் நிரம்பல் பட்டியலில் பல முக்கிய உணவுப் பொருட்கள் தொடர்பில் இலங்கை இறக்குமதியில் தங்கியுள்ளமையால் உணவுப் பாதுகாப்புக்கு ஏற்படும் இடர் நேர்வுகளைத் தவிர்ப்பதற்குப் பிராந்திய, அதேபோன்று நாடுகளுக்கிடையிலான உணவு வர்த்தகத்தை எளிதாக்குவது அத்தியாவசியமாகும்.
நாட்டின் உணவுப் பாதுகாப்பினை நோக்கிய சாதகமான கொள்கைகளினை நடைமுறைப்படுத்தும்போது ஏற்படும் குறுங்கால சவால்களை முகாமைத்துவஞ்செய்யும் அதே வேளையில் நீண்ட காலத்தில் இதை எய்துவதனை உறுதிசெய்வதற்கு இந்த உணவுப்பொருட்களின் உள்நாட்டு உற்பத்தியினை மேம்படுத்துவது ஓர் அவசியமான நிலைமையாகும். மேலும், நடுத்தரம் முதல் நீண்ட காலத்திற்கு அறுவடைக்குப் பிந்திய இழப்புகளைக் குறைப்பதற்கும் உணவுப்பற்றாக்குறையைத் தடுப்பதற்கும் உணவுப் பணவீக்கத்தை மிதமான மட்டத்தில் பேணுவதற்கும் குளிர் களஞ்சியப்படுத்தல், மேம்படுத்தப்பட்ட பொதியிடல் மற்றும் போக்குவரத்துப்பணிகள் உள்ளிட்ட பண்டசாலை மற்றும் களஞ்சியப்படுத்தல் வசதிகளை மேம்படுத்துவது முக்கியமானதாகும். இதேவேளையில் யானைகள், குரங்குகள், மயில்கள் மற்றும் காட்டுப்பன்றிகள் போன்ற காட்டு விலங்குகள் கணிசமான பயிர்ச் சேதங்களை உருவாக்கி இதனால் உள்நாட்டு உணவுப் பாதுகாப்பினை அச்சுறுத்துகின்றன. இது ஒரு சமத்துவமான மற்றும் நிலைநீடித்திருக்கக்கூடிய முறையில் மனித-காட்டு விலங்குகளுக் கிடையிலான முரண்பாட்டினை தீர்ப்பதற்கு ஓர் முழுமையான மற்றும் ஒருங்கிணைக்கப்பட்ட அணுகுமுறையை தேவைப்படுத்துகிறது. அதேவேளையில், பொருளாதார ரிதியாகப் பாதிக்கப்படக்கூடிய குழுவிற்கு வருமானத்தை உருவாக்குவதற்கான வாய்ப்புகளை இயலுமைப்படுத்திக் கொடுப்பதானது எதிர்காலத்தில் எதிர்பாராத வகையிலான அதிர்வுகளைச் சமாளிக்க அவர்களின் தாக்குபிடிக்கும் தன்மையை அதிகரிக்கும். மேலும் தனிநபர்களின் ஆரோக்கியமான உணவுப் பழக்கங்களையும் ஆரோக்கியமான உணவுத் தெரிவுகளையும் ஊக்குவிப்பதற்கு குறிப்பாக, ஊட்டச்சத்து மற்றும் உணவுப் பாதுகாப்புடன் தொடர்புடைய கொள்கைகள் பொதுமக்களை அறிவூட்டுவதனை இலக்காகக் கொண்டமைதல் வேண்டும்.