Скачать или смотреть ច្បាប់នៃការស្រូបទាញ ភាគ០៣ បញ្ចប់

អ្នកគឺមេដែកដ៏មានអនុភាពបំផុតនៃចក្រវាល អ្នកមានកំលាំងស្រូបទាញនៅក្នុងខ្លួនប្រកបដោយអនុភាពខ្លាំងជាងវត្ថុទាំងអស់នៅលើលោកនេះ ។
តួនាទីរបស់មនុស្សប្រកាន់ខ្ជាប់នៅការគិតទៅលើអ្វីដែលខ្លួនប្រាថ្នា តាំងចិត្តអោយបានមុះមុតទៅលើអ្វីដែលខ្លួនត្រូវការ ។
អ្វីដែលអ្នកគិតខ្លាំងបំផុត និង ស្រូបទាញនូវអ្វីដែលអ្នកចង់បានបំផុតមកផងដែរ ។ ជីវិតពេលនេះរបស់អ្នកគឺជាគ្រប់យ៉ាងដែលគិតកាលពីអតិតកាល ទាំងរឿងមិនល្អ និង រឿងល្អ ។ អ្នកអាចផ្លាស់ប្តូរគ្រប់យ៉ាងក្នុងជីវិតរបស់អ្នក ដោយការគិតត្រឹមត្រូវរបស់អ្នកក្នុងពេលនេះ ។ កាលណាចិត្តអ្នកចង់កាន់របស់អ្វី ដៃរបស់អ្នកនឹងកាន់របស់នោះ ។ កាលណាអ្នកដឹងខ្លួនថាត្រូវការអ្វីនៅក្នុងជីវិត ហើយគិតរបស់នោះជាធំ អ្នកនឹងស្រូបទាញរបស់នោះអោយចូលមករកជីវិតរបស់អ្នកបាន ច្បាប់នេះសរុបមកភាពសាមញ្ញគឺ ការគិតក្លាយជាការពិត។

អ្វីដែលមនុស្សភាពច្រើនមិនបានយល់គឺ ការគិតមានរលកហ្វេកង់របស់វា យើងអាចវាស់កម្រិតនៃការគិតបាន ហេតុនេះប្រសិនបើអ្នកគិតអ្វីច្រំដែរមិនព្រមឈប់ បានន័យថាអ្នកកំពុងបញ្ជូនរលកហ្វេ្រកង់របស់វាចេញទៅបន្តរបន្ទាប់ ការគិតមានកំលាំងស្រូបទាញនិងមានរលកហ្វេ្រកង់របស់វា។
ពេលអ្នកគិតអំពីអ្វីគំនិតនោះនឹងសាយភាយទៅកាន់លំហចក្រវាល ហើយវាស្រូបទាញអ្វីផ្សេងដែលស្រដៀងគ្នាដែលមានរលកហ្រ្វេកង់ដូចគ្នាចូលមក ។ គ្រប់ការគិតដែលបញ្ជូនចេញទៅនឹងវិលត្រឡប់មកកាន់កន្លែងដើមវិញ ហើយទីកន្លែងនេះគឺរូបអ្នកនេះឯង ។ អ្នកគឺជាសរសេរអង់តែបញ្ជូនសញ្ញា ហើយមានអនុភាពខ្លាំងលើសពីសរសរអង់តែនទូរទស្សន៍ អ្នកគឺជាអង់តែនដ៏មានអនុភាពបំផុតលើចក្រវាល អ្នកបញ្ជូនរលកសញ្ញានេះដោយការគិត សញ្ញានេះនឹងបែកខ្ញែកទៅលើលំហរនៃចក្រវាល ...
..................................................................................

សេចក្តីថ្លែងអំណរគុណ
អច្ឆរិយភាពនៃចំណេះដឹងដ៏អាថ៌កំបាំងនៃការប្រើប្រាស់អំណាចខួរក្បាលរបស់ពួកយើងទាំងអស់គ្នា ត្រូវបានពន្យល់យ៉ាងក្បោះក្បាយ និង សុីជម្រៅនៅក្នុងសៀវភៅ The Secret ដែលជាសមិទ្ធផលនិពន្ធនៃផលិតករដ៏មានឥទ្ធិពលផ្នែកបណ្តុះគំនិត និង ស្មារតី Rhonda Byrne ។ សៀវភៅបណ្តុះអំណាចខួរក្បាលនេះ ទទួលបានការចាប់អារម្មណ៍ និង គាំទ្រដ៏លើសលប់ពីមនុស្សរាប់លាននាក់ ជុំវិញពិភពលោក ។

គោលបំណងនៃការផលិត និង ចែករំលែកខ្សែរសំលេងនេះ នាងខ្ញុំមានគោលបំណងចូលរួមពង្រីកចំណេះដឹងផ្នែកគំនិត និង ស្មារតីដែលជាមូលដ្ឋាននៃការអភិវឌ្ឍន៍សមត្ថភាពបុគ្គលទៅកាន់បងប្អូនមិត្តភក្រ្តិ និង សាធារណះជនទាំងអស់គ្នាដោយក្តីស្រលាញ់ និង រាប់អាន ។ ខ្ញុំយល់ឃើញថា ការចូលរួមសិក្សា និង រួមអភិវឌ្ឍន៍ធនធានមនុស្សដ៏មានសំទុះ និង ជាក់ស្តែងជាមួយគ្នា ។

ក្នុងសេចក្តីរៀបរាប់នេះ ខ្ញុំដែលជាអ្នកគាំទ្រសៀវភៅ The Secret មានសេចក្តីពេញចិត្តក្នុងការចែករំលែកបន្តនូវចំណេះដឹង ពីអត្ថន័យនៃសៀវភៅដ៏សំខាន់នេះ និង សូមថ្លែងអំណរគុណយ៉ាងជ្រាលជ្រៅដល់អ្នកនិពន្ធ ក្រុមផលិតករ និង ស្ថាប័នប្រែសម្រួលជាភាសាខ្មែរ Mind Book ដោយក្តីគោរព ។

នាងខ្ញុំសូមធ្វើការអភ័យទោសទុកមុននូវរាល់កំហុសឆ្គង និង ចំណុចខ្វះខាតដោយអច្ចេតនា ។ នាងខ្ញុំរីករាយនឹងទទួលយកនូវមតិស្ថាបនាទាំងអស់ដោយក្តីអាធ្យាស្រ័យ និង ទំនួលខុសត្រូវ ។
រដ្ឋា ថាវរ៉ាថ