Скачать или смотреть Кара-Сууга балдар чыгармачылык борборун куруу жана троллейбус каттамын ачуу

25-01-14 Кара-Суу районунун калкынын саны 389 345 түзөт. 2025-2026-окуу жылында жалпы билим берүүчү мектептердин саны-132 (116 мамлекеттик, 16 жеке менчик мектеп).
Жалпы 84 398 окуучуга 5618 мугалим билим-тарбия беришүүдө.
Жалпы 173 мектепке чейинки билим берүү мекемелерде 21 090 балага 1761 мугалим тарбиячы билим-тарбия беришет.
Балдар чыгармачылык борборунун алдында имараттын мүмкүнчүлүгүнө жана шартына жараша 35 түрдүү ийримде 147 тайпа менен 1050 бала ийримге катышат.
Кара-Суу райондук билим берүү бөлүмүнүн алдындагы балдар чыгармачылык борборунун жаңы имаратын куруу үчүн Кара-Суу шаардык кеңештин чечими менен 600 чарчы метр жер Кара-Суу шаарындагы №67 Захриддин Мухаммад Бабур атындагы орто мектебинин аянтынан бөлүнүп берилген.
Заман талабына жооп бере турган 2 кабаттуу балдар чыгармачылык борборунун имаратын курууну сунуштаймын.
Кара-Суу районунун тургундарынан кайрылуу келип түшкөн. Кайрылууда көрсөтүлгөндөй Ош шаары менен Кара-Суу шаары экономикалык, социалдык жана демографиялык жактан бири-бири менен тыгыз байланышкан аймактар болуп саналат.
Кара-Суу шаары - Ош облусундагы калкы эң көп, соода-сатык, өндүрүш жана логистика өнүккөн стратегиялык маанидеги шаар. Ал эми Ош шаары - өлкөнүн түштүк борбору. Күн сайын он миңдеген жарандар Кара-Суудан Ош шаарына жумушка, окууга, дарыланууга жана соода иштерине каттап турушат. Бирок учурдагы транспорттук абал бул муктаждыкты толук канааттандырбай келет.
Жеке маршруттук таксилерге көз карандысыз, учурда каттам негизинен маршруттук таксилер аркылуу тейленет. Алар жол тыгындарын көбөйтүүдө, жол наркы туруктуу эмес.
Ошого байланыштуу Ош шаары менен Кара-Суу шаарын бириктирген заманбап, экологиялык таза жана жеткиликтүү троллейбус каттамын ачууну сунуш кылам.