OUTLAW - Салхин зүгт

Ая: Э.Ариун-Эрдэнэ /МУСТА/
Үг: OUTLAW хамтлаг
Music producer:Belgee Hummer /Sonos/
Mixed, mastered by: Belgee Hummer at Sonos media studo 2024

Салхин зүгт
1.Сарних алсын зүгт харц юугаа бэлчээв
Санаа алдах нь ихсэж сэтгэл юунд чилээрхэв
Дэггүй хүүхэд нас тэнд бүгд байсан
Дэргэд гэвч чи л алга сэтгэл нэг л хоосон
Байхгүйн зовлонг үзсэн багаасаа хэцүүг
Хамтдаа эхлүүлсэн түүхийнхээ оргилд ирэхэд найз минь чи л эзгүй
Дурсамжиндаа нөхөрлөх тавилан биднийх байсан гэж үү
Дурсахгүй өнгөрч хэрхэвч болохгүй дуун хөшөө босгов
Хамгийн хэцүү цагт найз минь чи л дэргэд байсан
Хамгийн сүүлчийн тэврэлт чинь дэндүү хүйтэн байсан
Салхин зүгт найз минь эрх дураараа дүүлэн нис
Сайхан түүхийнхээ хойморт энэ дуугаараа мөнх орш

Дахилт: Эргээд харахад сайхан дурсамж байсан
Эрэг нурахад баахан дурсамж хоосон
Утасныхаа үзүүрээс чанга атга битгий хөвөөрэй
Урьдынх шигээ хажууд минь бай үнэн зөвөөрөө

2.Үүрд биш зуурдхан амьдрал богинохон
Үргэлж хамт байна чи зүрхэнд тодхон
OUTLAW Бямбаа, Ариука, Сайханаа
Жаргал, Жагаанаа, Тука, Чинзо
Бүгд л дурсана, Сэтгэлд норсон
Хүйтэн бороо, хүүхэд настай
Мөнхөд цастай өвлийн шөнө шиг
Жиндүү хоосон, Жихүүн байсан
Найз шиг найз чи минь үргэлж үнэн байв
Намрын навчис гандах бүрд үргэлж чамайг хайв
Хамтдаа л байх юм шиг бодсон тайзан дээрээ
Харуулаагүй үлдсэн түүх бий бидэнд нээрээ

Дахилт: Эргээд харахад сайхан дурсамж байсан
Эрэг нурахад баахан дурсамж хоосон
Утасныхаа үзүүрээс чанга атга битгий хөвөөрэй
Урьдынх шигээ хажууд минь бай үнэн зөвөөрөө

3.Тэнгэрт байгаа найзыгаа дэргэдээ бид үгүйлнэ
Тэвэрч чадахгүйдээ сэтгэл минь урагдана
Тэгэж билээ ингэж билээ дурсамж түүх үгүйлнэ
Тэртээ алсад байгаа ч тэнгэр ширтэн харуулдана
Уулзаж суух болгондоо уйлж байсан найзууд чинь
Урьдын явдлыг ярилцан дуулж байсан найзууд чинь
Урагшаа бид үргэлж урагшаа
Уул шиг хүн билээ найз минь биднийг өршөө

Дахилт:Эргээд харахад сайхан дурсамж байсан
Эрэг нурахад баахан дурсамж хоосон
Утасныхаа үзүүрээс чанга атга битгий хөвөөрэй
Урьдынх шигээ хажууд минь бай үнэн зөвөөрөө