Скачать или смотреть Khuzdar Crisis Control Room

*خضدار کرائسز کنٹرول روم، ایمرجنسی رسپانس کے لیے ایک بہترین پلیٹ فارم

خضدار کرائسز کنٹرول روم (KDCR)، ہنگامی صورتحال سے فوری طور پر نمٹنے کے لیے ایک مؤثر ادارہ ہے جہاں ہنگامی صورت حال پر کام کرنے والے تمام ادارے یکجا ہوکر خدمات انجام دے رہے ہیں۔ اس ادارے میں مختلف محکمے قدرتی آفات اور دیگر بحرانوں سے مؤثر طریقے سے نمٹنے اور کمیونٹی کی حفاظت کے لیے ہما وقت تیار رہتے ہیں۔ خضدار کرائسز کنٹرول روم بحرانوں سے نمٹنے کے لیے ایک جامع حکمت عملی کے تحت اپنے فرائض سرانجام دےرہاہے، اس ادارے کے ذمہ مختلف ہنگامی حالات سے نمٹنے کی منصوبہ بندی، اداروں کے مابین باہمی ہم آہنگی، اور ایمرجنسی کی صورت میں فوری ردعمل کی حکمت عملیوں پر عمل درآمد شامل ہے۔ کنٹرول روم جدید مواصلاتی نظام سے لیس ہے تاکہ تمام محکموں کے درمیان بغیر کسی رکاوٹ کے معلومات کے منتقلی کو یقینی بنایا جا سکے۔ خضدار کرائسز کنٹرول روم میں فرنٹیئر کور، لیویز فورس، ضلعی انتظامیہ، محکمہ فائر بریگیڈ اور محکمہ پولیس مل کر ہنگامی حالات میں خدمات سرانجام دیتے ہیں ۔ ادارے میں شامل تمام اداروں کی ٹیموں کو ہر طرح کی ہنگامی صورت حال سے نمٹنے کے لیے باقاعدہ مشقیں اور تربیتی سیشن کروائے جاتے ہیں۔
ہنگامی صورتحال میں تمام محکموں کی ہم آہنگی سے کام کرنے والا یہ ادارہ خضدار کے عوام کی جان و مال کا فوری اور موثر انداز میں تحفظ یقینی بناتا ہے۔ عوام الناس اس ادارے کے قیام پر انتہائی مطمئن اور انتظامیہ کے شکرگزار ہیں