ယာယီသမ္မတ ဦးမင်းအောင်လှိုင်က ဗိုလ်ချုပ်မှူးကြီး မင်းအောင်လှိုင်ကို ၆ လသက်တမ်းတိုးခွင့်ပြု (ရုပ်/သံ)

ယာယီသမ္မတ ဦးမင်းအောင်လှိုင်က ဗိုလ်ချုပ်မှူးကြီး မင်းအောင်လှိုင်ကို ၆ လသက်တမ်းတိုးခွင့်ပြု (ရုပ်/သံ)

မိုးသောက်၊ ဇူလိုင်၃၁ ၊ ၂၀၂၄

ဒီကနေ့ဇူလိုင်လ ၃၁ ရက်နေ့မှာ ကျင်းပခဲ့တဲ့ အမျိုးသားကာကွယ်ရေးနဲ့ လုံခြုံရေးကောင်စီ (ကာလုံ) အစည်းအဝေးမှာ ၂၀၀၈ ဖွဲ့စည်းပုံအခြေခံဥပဒေ ပုဒ်မ ၄၂၅ အရ အ​ရေး​ပေါ်ကာလကို နောက်ထပ် ၆ လသက်တမ်း(၆ ကြိမ်မြောက်)ထပ်မံ တိုးမြှင့်လိုက်တယ်လို့ ကြေညာပါတယ်။

ယာယီသမ္မတ ဦးမြင့်ဆွေကို ကျန်းမာရေးအရ အနားပေးပြီး အဆိုပါရာထူးကိုပါ ပူးတွဲ ရယူထားတဲ့ ဗိုလ်ချုပ်မှူးကြီးမင်းအောင်လှိုင်ဟာ ဒီနေ့ အစည်းအဝေးပွဲမှာ နိုင်ငံတော်ရဲ့အခြေအနေတွေကို ကာချုပ်အနေနဲ့ သူကိုယ်တိုင် တင်ပြပြီး သက်တမ်းထပ်မံတိုးမြှင့်ခွင့်ကို ယာယီသမ္မတ အနေနဲ့ သူကိုယ်တိုင် ဦးဆောင် တိုးမြှင့်လိုက်တာဖြစ်ပါတယ်။

အာဏာသိမ်း စစ်ကောင်စီဟာ တိုင်းပြည်အရေးပေါ်အခြေအနေဆိုပြီး ကာလုံအစည်းအဝေးကနေ ၆ လ တကြိမ် သက်တမ်းတိုးနေတာ၊ စစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင်က ယာယီသမ္မတ တာဝန်ရယူလိုက်တာတွေဟာ စစ်တပ်ကိုယ်တိုင်ရေးဆွဲထားတဲ့ ၂၀၀၈ ဖွဲ့စည်းပုံ အခြေခံ ဥပဒေနဲ့ ကိုက်ညီမှုမရှိဘူးလို့ ဥပဒေပညာရှင်တွေကတော့ ထောက်ပြနေကြပေမယ့် စစ်တပ်ကတော့ ဖွဲ့စည်းပုံနဲ့ အညီလို့ ဆိုနေတာဖြစ်ပါတယ်။

#ဧရာဝတီ #သက်တမ်းတိုး #ယာယီသမ္မတ #ကာချုပ် #ကာလုံ #၂၀၀၈ဖွဲ့စည်းပုံ
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR