Скачать или смотреть Tv Klan - Transplanti i veshkave rikthehet në QSUT | Lajme - News

Ky është Erals Pashollari. 31-vjeçari mësoi 4 vite më parë se vuante nga një sëmundje autoimune, prej së cilës humbi totalisht funksionin e veshkave dhe e la atë përballë një zgjidhjeje. Dializë e përhershme apo transplant veshke?

“Zgjidhja më e mirë është transplanti, sepse me dializë ke shumë limite. Duhet të jesh 3 orë i lidhur pas një aparati. Pasi u shtrova me urgjencë në spital në Nëntor, zgjidhja momentale ishte dializa dhe përfundimtare, transplanti… Unë transplantin e kam bërë në shkurt dhe dhurues ka qenë babai”, tregon 31-vjeçari.

Eralsi është një nga 7 pacientët që kanë realizuar transplantin e veshkës këtë vit, ndërsa të tjerë pacientë po presin për t’iu nënshtruar ndërhyrjes.

“Janë në proces realizimi dhe 4 të tjerë dhe sikurse janë 4 apo 5 pacientë. Duke u përgatitur janë në fazë të kryerjes së analizave dhe besoj deri në fund të viti 2022 ata do e realizojnë tranplantin e veshkës”, thotë Myftar Barbullushi, Shef i Shërbimit të Nefrologjisë në QSUT.

Mjekët referojnë se nevojat për transplant kanë ardhur në rritje të vazhdueshme.

“Pacientët janë të grupmoshave të reja nga 18 deri në 50 edhe 60 vjeç kemi patur raste. Kemi një radhë dhe janë 25 pacientë që janë duke kryer ekzaminimet. Ne i përmbushim të gjitha nevojat e pacientëve që sigurojnë një dhurues familjar”.

Në QSUT janë realizuar dy transplante renale, i pari në 2009 dhe tjetri në 2011. Mungesa e kushteve spitalore solli ndërprerjen e tyre deri në 2015 dhe zhvendosjen e në spitalet private, por i rimbursuar 100% nga shteti.

“Që nga viti 2015 në spitale janë realizuar gjithsej 160 transplante që i bie mesatarisht 20 transplante në vit. Viti 2019 ka qenë viti me numrin më të lartë të transplanteve të realizuara. Kanë qenë 28 dhe gjatë viteve të pandemisë numri i transplanteve ka rënë”.

Brenda vitit 2023 transplanti i veshkave do të rinisë sërish në Qendrën Spitalore Universitare Nënë Tereza. Ndërhyrjet do të realizohen në spitalin e ri të sëmundjeve të brendshme që pritet të vihet në funksion së shpejti.

Tv Klan
#transplant #veshka #qsut
SUBSCRIBE to “RTV KLAN” on YouTube for more videos!

Email: info@tvklan.al

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/