Скачать или смотреть નયનાબેન ના ત્રણ કીર્તન લખેલ🌹રાધા ભવનમાં કાનો ગોપી બની આવો🌹માથે છે દામડી કપાળે ટીલડી સેથામાં પુર્યા..

રાધા ભવનમાં કાનો ગોપી બની આવો
આવી બેઠો રાધા ની પાસ રે..કાનો ગોપી બની આવ્યો
માથે છે દામડી ને કપાળે ટીલડી
સેથામાં પુર્યા લાલ રંગ રે..કાનો ગોપી બની આવ્યો
અણીયારી આંખમાં કાજળ અંજિયા
કડલા નો નહીં પાર રે..કાનો ગોપી બની આવ્યો
કેડે કંદોર નું ઝૂમખુ લટકે
ચાલે તો ઘૂઘરી નો ઘમકા રે..કાનો ગોપી બની આવ્યો
રાધા ભવનમાં કાનો ગોપી બની આવ્યો
જગમગ ચુંદડી કાના એ ઓઢી
ઝાંઝર નો ઝણકાર રે..કાનો ગોપી બની આવ્યો
રાધા એની સામે એક નજરે જોવે
રાધા પૂછે છે સવાલ રે..કાનો ગોપી બની આવ્યો
ક્યુ તમારું ગામ છે ને ક્યાંથી તમે આવ્યા
શું છે તમારા નામ રે..કાનો ગોપી બની આવ્યો
ગોકુળ મારું ગામ છે ને તને મળવા આવ્યો
રાધા રંગીલી મારું નામ રે..કાનો ગોપી બની આવ્યો
રાધા કાને ઓળખી રે ગયા
રાધા ભવનમાં કાનો ગોપી બની આવ્યો
🌹🌹🌹
વ્રજમાં હવે કેમ રહેવાશે માવજી ચોરે મહી
માવજી ચોરે મહી એની વાત વધી ગઈ..વાલા વ્રજમાં હવે કેમ રહેવાશે માવજી ચોરે મહી

આજ સવારે સ્નાન કરીને ગાવડી ધોવા ગઈ
કોણ જાણે કાન ક્યાંથી આવ્યો સાથે સંઘ લય..વાલા વ્રજમાં હવે કેમ રહેવાશે માવજી ચોરે મહી

માખણ ખાધું મીસરી ખાધી ડબલા ભરી મહી
ડબરા બધા ખાલી દીઠા બળી ભસ્મ થઈ..વ્રજમાં હવે કેમ રહેવાશે માવજી ચોરે મહી

માતા જશોદા માનતા નથી કાન નું તોડે માન
કાલી ઘેલી વાતળી મારે કોને કહેવી જય..વાલા વ્રજમાં હવે કેમ રહેવાશે માવજી ચોરે મહી

શેઠ બનીને નંદના લાલા બેઠા મથુરા જઈ
પાણી પીને ઘર પૂછ્યું થવાની હોય તે થાય વાલા વ્રજમાં હવે કેમ રહેવાશે માવજી ચોરે મહી

આઠ દિવસે આવશું એમ કહીને ગયો કાન
અઠવાડિયા ગણી ગણી ને હું તો થાકી ગઈ વ્હાલા..વ્રજમાં હવે કેમ રહેવાશે માવજી ચોરે મહી

એટલી મારી અરજી ઓધવ કોને કહેવી જઈ
માધવદાસના સ્વામી શામળિયા રાસ રમાડો સાથ..વાલા વ્રજમાં હવે કેમ રહેવાશે માવજી ચોરે મહી
🌹🌹🌹
મારા રણુજા ના રાય મારો થઈ જા ને મહેમાન
તારા ખૂબ કરું સન્માન મારું થઈ જા ને મેહમાન

માતા મીનળદેવ ના જાયા બેની સગુણા ના વીરા
પિતા અજમલ ના કુવર..મારો થઇ જાને મહેમાન

વીરા વિરમદેવ ના વીરા બેની સગુણા ના વીરા
બેની ડાલી ના ભગવાન..મારો થઈ જાને મહેમાન

રાણી નેતલ દે ના ભરથાર મારો થઈ જાને મહેમાન

લીલા ધોડલીયા અસવાર..મારો થઈ જાને મહેમાન
તમે કુમકુમ પગલી પાડી એવી દેગ રે ઉતારી
એવા પરચા ના પૂરનાર મારો થઈ જાને મહેમાન

ભમર ભાલા લીધા હાથ ગુરૂ વાળીનાથ તારે
કરે ભેરવા નો સહાર..મારો થઈ જા ને મહેમાન

બારબીજ ના છો ધણી તમને ખમાયુ રે ઘણી
મારા નેજાધારી નાથ..મારો થઇ જાને મહેમાન

ભક્તો ગુણલા ગાય તારા દર્શનથી સુખ થાય
ભેળાં રહેજો ભાલાવાળા મારા થઈ જાની મહેમાન
મારા રણુજાના રાય મારો થઈ જાને મહેમાન