Скачать или смотреть நன்னடத்தை சான்று பெற ரூபாய் 1000 ம் கட்டணம் செலுத்த வேண்டும்.

தூத்துக்குடி மாவட்ட காவல்துறை சார்பில் பொதுமக்கள் காவல்துறையிடம் பெற வேண்டிய நன்னட்டத்தை சான்றிதழை ஆன்- லைன் மூலம் விண்ணப்பித்து பெற்று கொள்ளும் திட்டத்தினை மாவட்ட காவல்துறை கண்காணிப்பாளர் முரளி ரம்பா துவக்கி வைத்தார்

நன்னடத்தை சான்றினை ஆன்லைன் மூலம் பெறும் சேவையை தூத்துக்குடி மாவட்ட காவல்கண்காணிப்பாளர் முரளி ரம்பா இன்று துவக்கி வைத்தார். பின்னர் செய்தியாளர்களை சந்தித்த அவர் கூறுகையில், இணையதளத்தின் மூலம் தனி நபர் நன்னடத்தை, வேலை நிமித்தமான சரிபார்ப்பு, வாடகைதாரரின் விபரம் சரிபார்ப்பு, வீட்டில் வேலையாட்கள் விபரம் சரிபார்ப்பு போன்ற நான்கு வகையான சான்றினை பெற முடியும். இதற்கு தனி நபர் நன்னடத்தை சான்று வேண்டுமானால் ரூபாய் 500ம், தனியார் நிறுவனங்கள் வேலையாட்களுக்கான நன்னடத்தை சான்று பெற ரூபாய் 1000 ம் கட்டணம் செலுத்த வேண்டும். மேலும் கிரெடிட் கார்டு, டெபிட் கார்டுகளை பயன்படுத்தி ஆன்லைனிலேயே செலுத்தலாம். இதன் மூலம் தூத்துக்குடி மாவட்டத்தில் சான்று பெற தேவையுள்ளவர்கள் இந்த இணையதளத்தின் மூலம் விண்ணப்பிக்கும் சான்றிதழை ஒருவார காலத்திற்குள் அல்லது பதினைந்து தினங்களுக்குள் பெறலாம் என்றார். கடந்த வருடம் மே மாதம் 22-ஆம் தேதி ஸ்டெர்லைட்டுக்கு எதிரான கலவரத்தின் போது தூத்துக்குடி மாநகர் பகுதியில் உள்ள சிசிடிவி கேமராக்கள் பலவற்றை கலவரத்தில் ஈடுபட்டவர்கள் உடைந்தாகவும், தற்போது ஸ்மார்ட் சிட்டி திட்டத்தின் கீழ் மாநகராட்சி சார்பில்புதிய கேமராக்கள் நிறுவும் பணி நடைபெற்று வருவதாக தெரிவித்த அவர், பொங்கல் பண்டிகையை முன்னிட்டு மக்கள் அதிகமாக கூடும் பகுதிகள் மற்றும் குற்ற சம்பவங்கள் அதிகம் நடக்கும் பகுதிகள் கண்டறியப்பட்டு போலீஸ் பாதுகாப்பு போட திட்டமிடப்பட்டுள்ளதாக எஸ்பி முரளிரம்பா தெரிவித்தார்.

பேட்டி : முரளி ரம்பா - தூத்துக்குடி மாவட்ட காவல்கண்காணிப்பாளர்