Скачать или смотреть பல்லடம் அருகே மாதப்பூரில் குப்பை சேகரிப்பு வண்டியின் மோட்டார் மற்றும் பேட்டரிகள் திருட்டு

#palladam #tiruppur #motortheft #battery

பல்லடம் அருகேயுள்ள மாதப்பூர் ஊராட்சியில் சுமார் ஒரு லட்சம் ரூபாய் மதிப்பிலான குப்பை சேகரிப்பு வண்டியின் மோட்டார் மற்றும் பேட்டரிகள், மின் கம்பிகள் மற்றும் பித்தளை கேட் வால்வ் திருட்டு


திருப்பூர் மாவட்டம் பல்லடம் அருகே பொங்கலூர் ஒன்றியம் மாதப்பூர் ஊராட்சியில் இரண்டு மின்சார எரிபொருள் குப்பை சேகரிப்பு வண்டி உள்ளது. பழுதான இரண்டு வண்டிகளையும் ஊராட்சிக்கு சொந்தமான இடத்தில் நிறுத்தி வைக்கப்பட்டிருந்தன. ஊராட்சி நிர்வாகத்தின் சார்பில் இன்று காலை 2 வண்டிகளையும் பழுது நீக்குவதற்காக சென்று பார்த்த போது இரண்டு வண்டிகளில் இருந்த இரண்டு பேட்டரி மற்றும் இரண்டு மோட்டார்கள் திருடப்பட்டு இருப்பதை கண்டு துப்புரவு பணியாளர்கள் அதிர்ச்சி அடைந்தனர்.அதே போல் மாதப்பூர் ஊராட்சிக்கு உட்பட்ட நல்லாகவுண்டன்பாளையம்புதூரில் அமைக்கப்பட்டு இருந்த பித்தாளை கேட்வால் மற்றும் தொட்டம்பட்டி கிராமத்தில் குடிநீர் விநியோகத்திற்காக இயங்கி வரும் மின் மோட்டாருக்கு பொருத்தப்பட்டிருந்த 40 மீட்டர் மின் கேபிள் ஒயர்களையும் மர்ம நபர்கள் வெட்டி எடுத்து சென்றுள்ளனர். இது குறித்து ஊராட்சி மன்ற தலைவர் அசோக்குமாரின் அறிவுறுத்தல்படி ஊராட்சி மின் மோட்டார் இயக்குனர் முருகன்,ராமசாமி, துப்புரவு பணியாளர் ஆனந்த்ரவி ஆகியோர் பல்லடம் போலீசில் புகார் கொடுத்துள்ளனர்.

மாதப்பூர் ஊராட்சியில் குப்பை வண்டிகள் இருந்து பேட்டரிகள் மோட்டார் மற்றும் மின் கேபிள் ஒயர்கள் திருடப்பட்டுள்ள சம்பவம் அப்பகுதியில் பரபரப்பை ஏற்படுத்தி உள்ளது.