Скачать или смотреть Klan News-Hegseth: Pozitat e Iranit janë dobësuar ndjeshëm

Uashingtoni ka rritur presionin ushtarak ndaj Iranit, duke e cilësuar si kulmin e fushatës së sulmeve ajrore.
Sekretari i Luftës, Pete Hegseth, bëri të ditur se forcat amerikane po operojnë me një numër rekord mjetesh fluturuese, përfshirë avionë gjuajtës-bombardues, për të goditur pikat strategjike të mbrojtjes iraniane.
Sipas Hegseth, Teherani ndodhet në një pozicion të izoluar, pasi Hezbollah, Huthit dhe Hamasi janë dobësuar ndjeshëm.
"Më shumë avionë gjuajtës, më shumë bombardues dhe inteligjencë më e rafinuar se kurrë. Objektivat tona janë të qarta, shkatërrimi i arsenalit të raketave, eliminimi i marinës së tyre dhe kurrë me armë bërthamore. Siç deklaroi Presidenti Trump, ne po e dërrmojmë armikun me një forcë ushtarake."
Kreu i Pentagonit nënvizoi se ndërsa intensiteti i sulmeve amerikane është në rritje, kundërpërgjigja e Iranit ka rënë në nivelin më të ulët që nga fillimi i konfliktit.
"Zoti u dhëntë forcë të pamposhtur luftëtarëve tanë dhe fitore totale mbi ata që kërkojnë të na lëndojnë."
Operacioni “Tërbimi Epik” po ndiqet me vëmendje maksimale nga komuniteti ndërkombëtar, ndërsa Pentagoni ka bërë të qartë se nuk do të ketë tërheqje deri në shkaterrimin e objektivave ushtarake të Teheranit.


SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web https://tvklan.al/kategoria/klan-news/
Follow Klan News on Facebook:   / klannews  
Follow @klannews on Instagram:   / tvklannews  
#KlanNews #KlanNewsLajme #TvKlan