Скачать или смотреть Anemia-ជំងឺកង្វះគ្រាប់ឈាមក្រហម By Dr. វ៉ាន់​ សុខជា

ប្រធានបទ៖ ជំងឺកង្វះគ្រាប់ឈាមក្រហមលើកុមារ និងក្មេងជំទង់

បកស្រាយដោយ៖ វេជ្ជបណ្ឌិត វ៉ាន់​ សុខជា

កង្វះគ្រាប់ឈាមក្រហម (Anemia) ក៏ជាជំងឺមួយ!

គ្រាប់ឈាមក្រហមមានមុខងារដឹកអុកស៊ីសែនសម្រាប់ផ្គត់ផ្គង់ និងចិញ្ចឹមគ្រប់សរីរាង្គកាយរបស់មនុស្ស។ វាត្រូវបានផលិតចេញពីខួរឆ្អឹង ក្រោមឥទ្ធិពលនៃការរួមផ្សំរបស់ អ័រម៉ូន និងអង់ហ្ស៊ីមមួយចំនួនដែលមាននៅក្នុងសរីរាង្គផ្សេងៗ។ កង្វះគ្រាប់ឈាមក្រហម គឺជាមូលហេតុ ដែលអាចប៉ះពាល់ដល់បញ្ហាសុខភាព និងអាចបង្កអោយមានគ្រោះថ្នាក់ធ្ងន់ធ្ងរដល់អាយុជីវិត។

១) រោគសញ្ញា៖
ស្លេកស្លាំងខុសពីធម្មតា
ហេវហត់ អស់កម្លាំង ល្ហិតល្ហៃ
ឧស្សាហ៍វិលមុខ ធីងធោង ឈឺក្បាល
ហ៊ឹងត្រចៀក
ស្រវាំងភ្នែក
ញ័រដើមទ្រូង បេះដូងលោតញាប់ ចុកទ្រូង
ដង្ហក់ ឆាប់ហត់ ខុសធម្មតា

២) មូលហេតុ៖
ក) ការបាត់បង់គ្រាប់ឈាមក្រហមដោយសារ
ការហូរឈាមបណ្តាលមកពីមូលហេតុផ្សេងៗ ដូចជាគ្រោះថ្នាក់ចរាចរណ៍ របួស ការហូរឈាមតាមសរីរាង្គនានា ក្នុងនិងក្រៅខ្លួន ។ល។
ជំងឺគ្រាប់ឈាមក្រហម (Hemoglobinopathy) ធ្វើអោយគ្រាប់ឈាមមិនមានគុណភាព និងងាយបែកខូច
ការរលាកផ្សេងៗ ដោយសារបាក់តេរី វីរុស ប៉ារ៉ាស៊ីត រឺ ពពួកផ្សឹត
ចំពោះស្ត្រីអាចបណ្តាលមកពីវិបត្តិអ័រម៉ូន ដែលធ្វើអោយមានការធ្លាក់ឈាមរដូវច្រើន និងយូរខុសពីប្រក្រតី
ស្ត្រីមានគភ៌

ខ) ការផលិតគ្រាប់ឈាមក្រហមថយចុះ
ជំងឺខ្សោយខួរឆ្អឹងដែលបណ្តាលមកពីសារជាតិពុលមួយចំនួនដូចជាសំណ ថ្នាំសម្លាប់សត្វល្អិត ថ្នាំបាញ់ដំណាំផ្សេងៗ ការប្រើប្រាស់ឱសថព្យាបាលមិនត្រឹមត្រូវតាមក្បួនវេជ្ជសាស្ត្រជាពិសេសថ្នាំផ្សះ
កង្វះអាហាររូបត្ថម្ភផ្សេងៗដូចជា ខ្វះជាតិដែក ខ្វះវីតាមីន B12 ។ល។
ជំងឺក្រពេញ អ័រម៉ូនទីរ៉ូអ៊ីដ Hypothyroïdie
ជំងឺខ្សោយតម្រងនោម (kidney failure)
ជំងឺមហារីកគ្រាប់ឈាម
ជំងឺមហារីកផ្សេងៗ

៣) ដំណោះស្រាយ
លោកអ្នកគួរតែមកពិគ្រោះជំងឺជាមួយក្រុមគ្រូពេទ្យជំនាញនៅមន្ទីរពេទ្យកាល់ម៉ែត ដើម្បីរកពីមូលហេតុនៃជំងឺបង្កពិតប្រាកដ តាមរយៈការធ្វើតេស្តឈាម រឺករណីខ្លះអាចនឹងឈានទៅដល់ការបឺតខួរឆ្អឹងយកទៅពិនិត្យនៅមន្ទីរពិសោធន៏ ដើម្បីឈានទៅរកការព្យាបាលដ៏ត្រឹមត្រូវ។

ចំពោះការព្យាបាលកង្វះគ្រាប់ឈាមក្រហមមិនមែនគ្រាន់តែជាការដាក់បញ្ចូលឈាម រឺអោយថ្នាំជាតិដែកនោះទេ។ ការធ្វើរោគវិនិច្ឆ័យត្រឹមត្រូវ និងព្យាបាលទៅតាមមគ្គុទេសព្យាបាលជាសកល (Universal Guideline) ទើបអាចអោយអ្នកជំងឺទទួលបាននូវការជាសះស្បើយបាន។
“ រកឃើញទាន់ពេល ព្យាបាលដោយក្រុមគ្រូពេទ្យជំនាញ ឆាប់ជាសះស្បើយ ”

#HealthForYouKH
#ចំណេះដឹងសុភាពសម្រាប់អ្នក

ជំងឺថ្លើម ក្រពះ ពោះវៀន ប្រដាប់រំលាយអាហារ
   • ជំងឺថ្លើម ក្រពះ ពោះវៀន ប្រដាប់រំលាយអាហារ  
ជំងឺទឹកនោមផ្អែម និងជំងឺក្រពេញ
   • ជំងឺទឹកនោមផ្អែម និងជំងឺក្រពេញ  
ជំងឺសន្លាក់ ឆ្អឹង មហារីក
   • ជំងឺសន្លាក់ ឆ្អឹង មហារីក  
ជំងឺវះកាត់
   • ជំងឺវះកាត់  
ជំងឺប្រដាប់បន្តពូជ សម្ភព និង រោគស្រ្តី
   • ជំងឺប្រដាប់បន្តពូជ សម្ភព និង រោគស្រ្តី  
ជំងឺត្រចៀក ច្រមុះ បំពង់ក
   • ជំងឺត្រចៀក ច្រមុះ បំពង់ក  
ជំងឺរោគកុមារ
   • ជំងឺរោគកុមារ  
ជំងឺវិកលវិទ្យា
   • ជំងឺវិកលវិទ្យា  
ជំងឺបេះដូង សរសៃឈាម
   • ជំងឺបេះដូង សរសៃឈាម  
ជំងឺសួត និង ជំងឺតម្រងនោម
   • ជំងឺសួត និង ជំងឺតម្រងនោម  
ជំងឺប្រព័ន្ធប្រសាទ និង ចក្ខុរោគវិទ្យា
   • ជំងឺប្រព័ន្ធប្រសាទ និង ចក្ខុរោគវិទ្យា  
ជំងឺសើស្បែក
   • ជំងឺសើស្បែក  
ជំងឺគ្រាប់ឈាម
   • ជំងឺគ្រាប់ឈាម  
ថ្នាំប្រើប្រាស់ប្រចាំ
   • ថ្នាំប្រើប្រាស់ប្រចាំ