Скачать или смотреть Lešoko la gago le kae?

Re lebelela ditlabelotheto tšeo di tšwelelago seretong se.
Kgwekgwe/Tabakgolo
Phedišo ya maphelo a batho ka dithunya.
• Batho ba bolawa ka bontši ka dithunya
• Kakaretšo/Moko
Sereto se bolela ka mokgwa wo sethunya se dirišwago ka gona. Se fediša maphelo a batho, ntle le kwelobohloko.
• Mohuta wa sereto
Thetotsholo
Sereti se sola bošoro bjo bo bakwago ke sethunya. Batho ba bolawa ka sona. O feleletša ka go eletša bao ba di dirišago go tlogela ka ge ka moso di tla boela go bona, ba lla sello.

Tshekatsheko ya sereto
• Sebopego sa ka ntle
Ditemanatheto
o Sereto se bopilwe ka ditemanatheto tše 4.
o Temanatheto ye nngwe le ye nngwe e bopilwe ka methalotheto ye 6.
Methalotheto
o Sereto se bopilwe ka methalotheto ye 24.
o Methalotheto ke ye mekopana, ya magareng le ye metelele.
• Poeletšothomi/poeletšo ya sekafoko
Mohlala:
Methalotheto ya 1 le 2
Ka wena metse ke matoko,
Ka wena re lobile maloko,
• Kelelothalo/kgopolotšweledi/kgopolokeledi/entšampamente
Methalotheto ya 4 le 5
Mereba le megabaru o na le tšona
Le ge o tswetšwe o se natšo, o itoketše,
• Morumokwanofelo/phetši
Mohlala:
Methalotheto ya 1 le 2
Ka wena metse ke matoko,
Ka wena re lobile maloko,
• Morumokwanotia
Mohlala:
Methalotheto ya 1 le 2
Ka wena metse ke matoko,
Ka wena re lobile maloko,
Methalotheto ya 7 - 10
Bana ba batho ba hwa senonyana
Mola re tseba e se dinonyana,
Tša gago dihlogo di tletše lefase,
Ge o gohlola bontši re wela fase
• Morumokwanokgaotši
Mohlala:
Methalotheto ya 14 le 17
Ge e le mobu o o fetošitše sejagobe
Mola re tseba sejagobe e le wena,
Ka wena lefase le tletše bahlolo,
Ka wena re na le bahlologadi,
Ka wena metse e tletše ditšhiwana,
Ka wena lefase le tletše ditšhiololo.
• Mothofatšo
Mohlala:
Methalotheto ya 13 le 14
Ge e le mobu o o fetošitše sejagobe
Mola re tseba sejagobe e le wena
• Tshwantšhokgopolo
Mohlala:
Methalotheto ya 13 le 14
Batho ba hlokofala ka bontši ka lebaka la sethunya.
Ge e le mobu o o fetošitše sejagobe
Mola re tseba sejagobe e le wena,
• Leswao la makalo
Mohlala:
Mothalotheto wa 19
Hee lena bana ba batho difega le ititiago!
Sereti se dirišitše leswao la makalo mothalothetong wa 1 go dira kgoeletšo ya go emišwa ga go bolaya batho ka dithunya ke bao ba itshemago dinkgwete.
• Seema
Mohlala:
Mothalotheto wa 12
Tsebang mokgakgati o a ikgela,
Sereti se dirišitše seema se ‘mokgakgati o a ikgela’ go gatelela kgopolokgolo ya temanatheto ya go re motho ge a dira ba bangwe tše mpe ka moso di tlo hlagela yena goba bana ba gagwe.
• Moya wo o fokago
Moya wa kgalemo.
Sereti se kgalemela tšhomišompe ya dithunya ke batho ba bangwe.
• Maikutlo a sereti
Sereti se tshwenyegile/befetšwe.
Mokgwa wo tšhomišo ya dithunya o tšwelego taolong ka gona go befediša sereti. Temanathetong ya mafelelo mothalothetong wa 19 le 20 o dira kgoeletšo go bao ba šomišago dithunya go bolaya batho gore ba emiše.
• Molaetša wa sereto
Dithunya ga se tša loka setšhabeng ka ge batho ba di šomišetša go fediša maphelo a batho.
Goba
Motho ge a dira ditiro tše mpe ka moso di tlo boela go yena.

Mohlala wa dipot
3.1 Tsopola poeletšothomi temanathetong ya 1 o be o fe le tirišo ya yona. (2)
3.2 Akaretša diteng tša temanatheto ya 2 ka dintlha TŠE PEDI. (2)
3.3 Ke setlabelatheto se fe se se tšweletšwago ke methalotheto ya 14 le 17? Efa
mohola wa sona. (2)
3.4 Hlaloša tirišo ya seema mothalothetong wa 21. (2)
3.5 Na maikutlo a gago ke afe mabapi le diteng tša sereto se? Fahlela karabo ya
gago. (2)
[10]